ଲଇକେରା, (ବଡ଼ ଖବର ବ୍ୟୁରୋ): କରୋନା ମାଡ଼ରେ ଖାଁ ଖାଁ ମା’ଙ୍କ ଭସାଣି । ଦିଲ୍ଲୀରୁ ପଲ୍ଲୀ ସବୁଠି ସୀମିତ ସଂଖ୍ୟକ ଭକ୍ତରେ ଚାଲିଛି ଭସାଣି । ଝାରସୁଗୁଡ଼ା ଜିଲ୍ଲା ଲଇକେରା ଥାନା ବାଗଡିହିରେ ମା’ଙ୍କ ଭସାଣି ପର୍ବ ଅନୁଷ୍ଠିତ ହୋଇଯାଇଛି। ପୁଜା କମିଟି ପକ୍ଷରୁ କୋଭିଡ୍ ନିୟମକୁ ପାଳନ କରି ସ୍ୱଳ୍ପ ସଂଖ୍ୟକ ଭକ୍ତରେ ମା’ଙ୍କ ଭସାଣି ହୋଇଛି । ଦର୍ଶନ ଲାଗି ଭକ୍ତମାନେ ରାସ୍ତା କଡ଼଼ରେ ଓ ଛାତ ଉପରେ ଅପେକ୍ଷା କରି ରହିଥିଲେ । ଭସାଣି ଯାତ୍ରାରେ ମା’ଙ୍କ ପ୍ରତିମାକୁ ବାହାର କରି ସହର ପରିକ୍ରମା କରିବା ପରେ ସ୍ଥାନୀୟ ପୋଖରୀରେ ବିସର୍ଜନ କରାଯାଇଥିଲା। ଆସନ୍ତା ବର୍ଷ ଯେପରି ଭକ୍ତ ଓ ମାଙ୍କ ମଧ୍ୟରେ ପାଚେରି ନ ରହୁ ସେଥିପାଇଁ ସମସ୍ତେ ପ୍ରାର୍ଥନା କରିଥିଲେ ।
