ମିଳୁଛି ମୁଣ୍ଡ ବିହୀନ ଶବର ଖିଅ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଭୁବନେଶ୍ୱର ଘାଟିକିଆ ‘ମୁଣ୍ଡବିହୀନ ଶବ’ର ମିଳୁଛି ଖିଅ । ମୃତ ମହିଳା ଜଣକ ଯାଜପୁର ଜିଲ୍ଲା ରମ୍ପା ପଂଚାୟତ ସୁନାମୁହିଁ ଗାଁର ଜଣେ ଠିକାଦାରଙ୍କ ଡ୍ରାଇଭରର ସ୍ତ୍ରୀ ବୋଲି  ଚର୍ଚ୍ଚା ହେଉଛି । ବରୀ ବ୍ଲକ ଅଟିରା ପଂଚାୟତ ବକ୍ସିପାଟଣା ଅନିରୁଦ୍ଧ ଦାସଙ୍କ ଘରେ ସମ୍ପୃକ୍ତ ମହିଳା ସ୍ୱାମୀଙ୍କ ସହ ରହୁଥିଲେ । ମହିଳାଙ୍କ ସ୍ୱାମୀ ରମ୍ପା ପଂଚାୟତ ସୁନାମୁହିଁ ଗାଁର ଶିବ ମହାନ୍ତିଙ୍କ ଡ୍ରାଇଭର ଭାବେ କାମ କରୁଥିଲେ ।

ଘଟଣା ଦିନ ସମ୍ପୃକ୍ତ ଠିକାଦାର ଉଭୟଙ୍କୁ ନେବାକୁ ଆସିଥିଲେ । ଘଟଣାସ୍ଥଳରୁ ମହିଳାଙ୍କ ସ୍ୱାମୀ ଫେରାର ହୋଇଯାଇଥିଲେ । ମାତ୍ର ସମ୍ପୃକ୍ତ ମହିଳାଙ୍କୁ ଠିକାଦାର ନେଇଯାଇଥିଲେ । ପୋଲିସ ଦର୍ଶାଇଥିବା ଫଟୋର ଶାଢୀ ମହିଳା ଘଟଣା ଦିନ ପିନ୍ଧିଥିଲେ ବୋଲି କହିଛନ୍ତି ଗାଁ ଲୋକେ । ତାଙ୍କ ହାତରେ ଥିବା ଟାଟୁକୁ ମଧ୍ୟ ସ୍ଥାନୀୟ ମହିଳାମାନେ ଦେଖିଥିବା ଜଣାପଡ଼ିଛି ।