ଟିକା ନେଲେ ବାଇଡ଼େନ୍
ବଡ଼ ଖବର ବ୍ୟୁରୋ : କରୋନା ଟିକା ନେଲେ ଆମେରିକାର ନବ ନିର୍ବାଚିତ ରାଷ୍ଟ୍ରପତି ଜୋ ବାଇଡ଼େନ । ୭୮ ବର୍ଷୀୟ ବାଇଡ଼େନ ନେଇଛନ୍ତି ଫାଇଜର ଦ୍ୱାରା ପ୍ରସ୍ତୁତ କରୋନା ଟିକା । କେବଳ ବାଇଡ଼େନ ନୁହେଁ ତାଙ୍କ ସହ ତାଙ୍କ ପତ୍ନୀ ଜିଲ ମଧ୍ୟ ଟିକା ନେଇଛନ୍ତି । ଲୋକମାନଙ୍କ ମନରେ ଟିକା ପ୍ରତି ବିଶ୍ୱାସ ବଢାଇବା ପାଇଁ ସେ ଏହି ଟିକା ଗ୍ରହଣ କରିଛନ୍ତି ବୋଲି କହିଛନ୍ତି । ଆସନ୍ତା ଜାନୁଆରୀ ୨୦ ରେ ଜୋ ବାଇଡ଼େନ ଆମେରିକାର ରାଷ୍ଟ୍ରପତି ଭାବେ କାର୍ଯ୍ୟଭାର ଗ୍ରହଣ କରିବେ ।
ଦାୟିତ୍ୱ ଗ୍ରହଣ କରିବା ପରେ କରୋନା ବିରୋଧରେ ଲଢିବା ତାଙ୍କର ପ୍ରଥମ ଗୁରୁତ୍ୱ ହେବ ବୋଲି ବାଇଡ଼େନ କହିଛନ୍ତି । ବିଶ୍ୱରେ କରୋନାରେ ଅଧିକ ପ୍ରଭାବିତ ହୋଇଛି ଆମେରିକା । ଏଠାରେ ପ୍ରାୟ ୧ କୋଟି ୭୫ ଲକ୍ଷ ଲୋକ ସଂକ୍ରମଣର ଶିକାର ହୋଇଥିବା ବେଳେ ୩ ଲକ୍ଷ ୧୫ ହଜାରରୁ ଅଧିକ ଜୀବନ ନେଇସାରିଲାଣି ମହାମାରୀ କରୋନା ।