ଭୁବନେଶ୍ୱର(ବଡ଼ ଖବର ବ୍ୟୁରୋ):ବଢୁଛି ଅସନ୍ତୋଷ । ଏକାଠି ହେଉଛନ୍ତି ଉପଭୋକ୍ତା । ଆଉ ଚଳିବନି ଟାଟାର ମନମାନି । କମ୍ପାନି ବିରୋଧରେ ଲଢିବାକୁ ହେବ । ପୂର୍ବରୁ ପଶ୍ଚିମ, ଉତ୍ତରରୁ ଦକ୍ଷିଣ ଓଡ଼ିଶା । ଟାଟା ଶାସନରେ ଉପଭୋକ୍ତା ହନ୍ତସନ୍ତ । ଗ୍ରାହକଙ୍କ ଆସୁଛି ମନଇଚ୍ଛା ବିଦ୍ୟୁତ୍ ବିଲ୍ । ଖାଲି ସେତିକି ନୁହେଁ ପ୍ରଥମେ ୫୦, ପରେ ପୁଣି ୨୦ ପଇସା । ୭୦ ପଇସା ବଢାଇବାର କାରଣ କ’ଣ? ବ୍ୟବସ୍ଥାରେ ସୁଧାର ନାହିଁ, କାହିଁକି ବଢିଲା ୭୦ ପଇସା ।
ପ୍ରତି କିଲୋୱାଟକୁ ଆହୁରି ୩୫ ଟଙ୍କା କାହିଁକି? ଟାଟା ବିରୋଧରେ ଗ୍ରାହକଙ୍କ ଲମ୍ବା ଅଭିଯୋଗର ଫର୍ଦ୍ଦ । ‘ଟାଟାକୁ ଦେବା ଜବାବ’ । ଓଡ଼ିଶାର ସାଢେ ଚାରି କୋଟି ଓଡ଼ିଆଙ୍କ ସ୍ୱାର୍ଥକୁ ଦୃଷ୍ଟିରେ ରଖି ‘ବଡ଼ ଖବର’ ଆରମ୍ଭ କରିଛି ବଡ଼ ଅଭିଯାନ । ଆଉ ଏହି ଅଭିଯାନରେ ସାମିଲ ହୋଇଛନ୍ତି ସାଧାରଣ ଜନତା । କମ୍ପାନି ଓ ସରକାରଙ୍କ ବିରୋଧରେ ଦାନା ବାନ୍ଧୁଛି ଜନ ଅସନ୍ତୋଷ । ବଡ଼ ଖବରର ଏ ଅଭିଯାନରେ ଯୋଡ଼ି ହୁଅନ୍ତୁ । ଆମ ଫୋନ ନମ୍ବର- ୮୨୪୯୪୭୨୯୬୯ । ଯେତିକି ବିଲକୁ ସେତିକି ଟଙ୍କା । ରାଜ୍ୟ ସରକାର ସାମ୍ନାକୁ ଆସନ୍ତୁ । ଲୋକଙ୍କ କଥା ବୁଝନ୍ତୁ । କମ୍ପାନି ପ୍ରୀତି ନ ଦେଖି ଓଡ଼ିଶାବାସୀଙ୍କୁ ଗୁରୁତ୍ୱ ଦିଅନ୍ତୁ । ଏହା ବଡ଼ ଖବରର ଅନୁରୋଧ ।
