ଭତ୍ତା ଅପେକ୍ଷାରେ ୪୩୮ ବରିଷ୍ଠ ନାଗରିକ, ସରକାରୀ ଯୋଜନାର ଇଏ ହେଉଛି ସତ
କୋରାପୁଟ(ବଡ଼ ଖବର ବ୍ୟୁରୋ): ବରିଷ୍ଠ ନାଗରିକ ସମାଜର ଦିଗ୍ଦ ର୍ଶକ । ସେମାନଙ୍କୁ ଅବହେଳା ନ କରି ଉଚିତ୍ ନ୍ୟାୟ ଦେଉ ନାହିଁ କୋରାପୁଟ ଜିଲ୍ଲା ପ୍ରଶାସନ । ମାସ ଶେଷ ହୋଇଯାଇଥିଲେ ମଧ୍ୟ କୋରାପୁଟ ଜିଲ୍ଲା ଲମତାପୁଟ ବ୍ଲକର ୪୩୮ ବୃଦ୍ଧବୃଦ୍ଧାଙ୍କୁ ଭତ୍ତା ଦିଆଯାଇନି। ପ୍ରତିଦିନ ସେମାନେ ୭ ରୁ ୮ କିଲୋମିଟର ଚାଲି ଚାଲି ଆସି ଲମତାପୁଟ ପଞ୍ଚାୟତ କାର୍ଯ୍ୟାଳୟରେ ପହଞ୍ଚୁଛନ୍ତି । ଦିନ ତମାମ ଭୋକ ଉପାସରେ ରହି ସନ୍ଧ୍ୟାରେ ନିରାଶ ହୋଇ ଘରକୁ ଫେରୁଛନ୍ତି ।
ପ୍ରଶାସନର ଏଭଳି ଅବହେଳା ବରିଷ୍ଠ ନାଗରିକଙ୍କ ପ୍ରତି ଉପହାସ ନୁହେଁ ତ ଆଉ କ’ଣ? କେଉଁ କାରଣରୁ ୪୩୮ ବୃଦ୍ଧବୃଦ୍ଧାଙ୍କୁ ଏଯାଏଁ ଭତ୍ତା ଦିଆଯାଇନି? ଏ ସମ୍ପର୍କରେ ଆମେ ପିଇଓ ରବି ପଟ୍ଟନାୟକ ଙ୍କୁ ପଚରିଥିଲୁ। ସେ କହିଛନ୍ତି ପୂର୍ବତନ ପିଇଓ ଶ୍ରୀନିବାସ ପଟ୍ଟନାୟକ ତାଙ୍କୁ ଏ ପର୍ଯ୍ୟନ୍ତ ଦାୟିତ୍ଵ ହସ୍ତାନ୍ତର କରି ନାହାନ୍ତି। ତେଣୁ ଭତ୍ତା ଟଙ୍କା ଦେବାରେ ବାଧା ସୃଷ୍ଟି ହୋଇଛି । ଏହି ବିଷୟରେ ସେ ବିଡିଓ ଙ୍କ ଜଣାଇଥିବା କହିଛନ୍ତି । ଏହି ଘଟଣାକୁ ବିଡିଓ ନିନ୍ଦା କରିବା ସହ ଜଘନ୍ୟ ଅପରାଧ ବୋଲି କହିଛନ୍ତି ।
ବୃଦ୍ଧବୃଦ୍ଧାଙ୍କୁ ନିର୍ଦ୍ଧାରିତ ତାରିଖରେ ଭତ୍ତା ବଣ୍ଟନ କରିବା ନିହାତି ଜରୁରୀ । ଏହି ଘଟଣା ବିଷୟରେ ସେ ଅବଗତ ନଥିବା କହିଛନ୍ତି ।ସମ୍ପୃକ୍ତ ପିଇଓ ଅଧା ଭତ୍ତା ବାଣ୍ଟିଲେ କିପରି ଏବଂ ଅଧା ଟଙ୍କା ବଣ୍ଟା ନ ଯିବା ପିଇଓଙ୍କ ଅବେହେଳା ପାଇଁ ଏହି ଘଟଣା ଘଟିଛି । ସମ୍ପୃକ୍ତ ପିଇଓ ବିରୋଧରେ କଡା କାର୍ୟ୍ୟ ନୁଷ୍ଠାନ ନିଆଯିବ ବୋଲି ସେ କହିଛନ୍ତି । ଭତ୍ତା ବଣ୍ଟନରେ ଅବହେଳା କରିଥିବା କର୍ମଚାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାର ଆବଶ୍ୟକତା ରହିଛି । ଦାବି ହେଉଛି । ସେମାନେ ଭତ୍ତା ନ ପାଇବା ପର୍ଯ୍ୟନ୍ତ ବଡ଼ ଖବର ନିରବ ରହିବ ନାହିଁ ।
