ଜଗତସିଂହପୁର (ବଡ଼ ଖବର ବ୍ୟୁରୋ) : ସୋମାଲିକା ଓ ତିର୍ତ୍ତୋଲର ବିଧାୟକ ବିଜୟଶଙ୍କର ଦାସଙ୍କ ମଧ୍ୟରେ ଚାଲିଛି ବିବାଦ । ମାମଲା କୋର୍ଟରେ ଥିବା ବେଳେ ର ନିରବତା ଭାଙ୍ଗି ମୁହଁ ଖୋଲିଛନ୍ତି ଯୁବ ବିଧାୟକ । ସଫେଇ ଦେଇଛନ୍ତି, ମୁଁ କିଛି ଜାଣିନି । ତିର୍ତ୍ତୋଲ ବିଜେଡି ବିଧାୟକ ବିଜୟ ଶଙ୍କର ଦାସ ଓ ତାଙ୍କ ବାନ୍ଧବୀ ସୋମାଲିକାଙ୍କ ବିବାଦ ଚରମସୀମାରେ । ଦୀର୍ଘଦିନ ଧରି ନିରବ ରହିଥିବା ବିଜୟଶଙ୍କର ଶେଷରେ ମୁହଁ ଖୋଲିଛନ୍ତି ।
କହିଛନ୍ତି କେସ ବିଚାରାଧୀନ ରହିଛି । ବିଚାରପତି ଯାହା ନିଷ୍ପତ୍ତି ନେବେ । ସତ୍ୟତା ଅଳ୍ପ ଦିନ ଭିତରେ ଆସିଯିବ । ମାମଲଶ ବିଚାରାଧୀନ ଥିବାରୁ ମୁଁ କିଛି କହି ପାରିବି ନାହିଁ । ପୂର୍ବରୁ ସୋମାଲିକା ବିଜୟଶଙ୍କରଙ୍କ ବିରୋଧରେ ବାରମ୍ବାର ଅଭିଯୋଗ କରିଆସୁଛନ୍ତି । ବିଧାୟକ ନାରୀଙ୍କ ସହ ଖେଳୁଛନ୍ତି । ପ୍ରତାରଣା କରୁଛନ୍ତି । କୋର୍ଟଙ୍କ ଦ୍ବାରସ୍ଥ ହେବାପରେ ପୋଲିସ ବିଧାୟକଙ୍କ ନାମରେ ଅନେକ ସଙ୍ଗୀନ ଦଫା ଲଗାଇଛି । କ’ଣ ପାଇଁ ବିଧାୟକଙ୍କୁ ପୋଲିସ ଗିରଫ କରୁନାହିଁ ବୋଲି ପ୍ରଶ୍ନ କରିଥିଲେ ସୋମାଲିକା । ଅଳପ କହିଲେ, ଅନେକ ଢୋକିଲେ ବିଜୟଶଙ୍କର । ଆସିଥିବା ଅଭିଯୋଗକୁ ଆଡେଇ ଦେଇ ସେ ଚାଲିଯାଇଥିଲେ ।
