ଭାରତ ପାଇଁ ଖୁସି ଖବର ଆଣିପାରେ ସ୍ପୁଟିନିକ୍-ଭି
ଭୁବନେଶ୍ୱର(ବଡ଼ ଖବର ବ୍ୟୁରୋ): ତିନି ତିନୋଟି ଦେଶରେ ଜରୁରୀକାଳୀନ ବ୍ୟବହାର ପାଇଁ ଅନୁମତି ହାସଲ କରିଥିବା ଫାଇଜର ଟିକାକୁ ଏବେ ପ୍ରତିଦ୍ୱନ୍ଦିତାର ସମ୍ମୁଖୀନ ହେବାକୁ ପଡିବ । କାରଣ ମଡର୍ଣ୍ଣା କମ୍ପାନି ଦ୍ୱାରା ବିକଶିତ ଟିକାକୁ ଖୁବ୍ ଶୀଘ୍ର ଆମେରିକାର ସ୍ୱୀକୃତି ମିଳିବାକୁ ଥିବା ବେଳେ ରୁଷୀୟ ଟିକା ସ୍ପୁଟନିକ୍-ଭି ମନୁଷ୍ୟ ଶରୀରରେ ଦୀର୍ଘ ଦୁଇ ବର୍ଷ ଯାଏ ରୋଗପ୍ରତିରୋଧକତା ବିକଶିତ କରିପାରିବ ବୋଲି ଜଣାପଡିଛି ।
ଫାଇଜର ଓ ଅନ୍ୟାନ୍ୟ ଟିକା ମାତ୍ର ୪ରୁ ୬ ମାସ ଯାଏ ରୋଗପ୍ରତିରୋଧକତା ସୃଷ୍ଟି କରି ପାରୁଥିବା ବେଳେ ସ୍ପୁଟନିକ୍-ଭି ଦୀର୍ଘ ୨ ବର୍ଷ କାଳ ରୋଗପ୍ରତିରୋଧକତା ବିକଶିତ କରିପାରିବ ବୋଲି ଏହାର ନିର୍ମାତା ଗମାଲେଇ ପ୍ରତିଷ୍ଠାନ ପକ୍ଷରୁ ଦାବି କରାଯାଇଛି । ସ୍ପୁଟିନିକ୍-ଭିର ଏହି ସଦ୍ୟ ଉପଲବଧି ଭାରତ ପାଇଁ ଖୁସି ଖବର ଆଣିବ ନିଶ୍ଚୟ । କାରଣ ଫାଇଜର ଟିକାର ଅଧିକ ଦର ଭାରତରେ ସ୍ପୁଟିନିକ୍-ଭିର ବ୍ୟବହାରକୁ ଶ୍ରେଷ୍ଠ ବିକଳ୍ପ ଭାବେ ବିଚାର କରାଯାଇପାରେ ।
ଅନ୍ୟ ଏକ ଘଟଣାକ୍ରମରେ ମଡର୍ଣ୍ଣା ଟିକାର ଫଳପ୍ରଦତା ଉପରେ ଆମେରିକାର ଖାଦ୍ୟ ଓ ଭେଷଜ ପ୍ରଶାସନ ସନ୍ତୋଷ ଜାହିର କରିଛନ୍ତି । ସୁତରାଂ ଆଗାମୀ ସପ୍ତାହ ଭିତରେ ଆମେରିକାରେ ଏହାର ବ୍ୟବହାରକୁ ସବୁଜ ସଂକେତ ମିଳିପାରେ ।