ଗଛରେ ଝୁଲୁଛି ଶବ

ବୀରମହାରାଜପୁର (ବଡ଼ ଖବର ବ୍ୟୁରୋ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ବାଗବର ପଞ୍ଚାୟତ ନୂଆଁଗଡ଼ ଗାଁରେ ଏକ ଶବ ଗଛରେ ଝୁଲୁଥିବା ଦେଖିବାକୁ ମିଳିଛି । ମୃତକ ଲୋକ ଜଣକ ହେଲେ ନୂଆଁଗଡ଼ ଗାଁର ତରଣୀ ସେଠୀ (୪୫) । କିଛିଦିନ ହେବ ତରଣୀ ନିଖୋଜ ଥିବା ପରିବାର ଲୋକେ ବୀରମହାରାଜପୁର ଥାନାରେ ଅଭିଯୋଗ କରିଥିଲେ । ଗତକାଲି ଜଣେ ମଇଁଷି ଚରାଳି ଝୁଳନ୍ତା ମୃତଦେହକୁ ଦେଖି ଗାଁ ଲୋକଙ୍କୁ ଖବର ଦେଇଥିଲେ । ବୀରମହାରାଜପୁର ପୋଲିସ ଘଟଣା ସ୍ଥଳରେ ହଞ୍ଚି ଅନୁଧ୍ୟାନ କରିବା ସହ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ ଡାକ୍ତରଖାନାକୁ ପଠାଇଛି । ମୃତ ତରଣୀ ତାଙ୍କ ଲୁଙ୍ଗିରେ ଆତ୍ମହତ୍ୟା କରିଥିବା ଦେଖିବାକୁ ଦେଖିବାକୁ ମିଳିଛି । ତାଙ୍କର ୨ ପୁଅ ଓ ତାଙ୍କ ସ୍ତ୍ରୀ ଅଛନ୍ତି । ପାରିବାରିକ କଳହକୁ ନେଇ ତରଣୀ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି ।