ପାକିସ୍ତାନରୁ ଫେରିଥିବା ବିର୍ଜୁ କୁଲୁ ପୁଣି ନିଖୋଜ

ରାଉରକେଲା(ବଡ଼ ଖବର ବ୍ୟୁରୋ): ପାକିସ୍ତାନ ଜେଲରୁ ଫେରିଥିବା ବିର୍ଜୁ କୁଲୁ ନିଖୋଜ । ଲାହୋର ଜେଲରେ ୨୦ ବର୍ଷ ବିତାଇ ନଭେମ୍ବର ୧୩ ରେ ଗାଁକୁ ଫେରିଥିଲେ । ରାଉରକେଲା କୁତ୍ରାରେ ତାଙ୍କ ଘର । ୨୦ବର୍ଷ ପୂର୍ବେ ବିର୍ଜୁ ନିଖୋଜ ହୋଇ ପାକିସ୍ତାନ ପହଂଚିଯାଇଥିଲେ । କେଉଁ ପରିସ୍ଥିତିରେ ପାକିସ୍ତାନ ପହଂଚିଥିଲେ ତାହା ଜଣାପଡିନାହିଁ । ତେବେ ବିର୍ଜୁଙ୍କୁ ପାକିସ୍ତାନ ଦ୍ୱାରା ଭାରତ ସରକାରଙ୍କୁ ହସ୍ତାନ୍ତର କରାଯାଇଥିଲା । ତାଙ୍କ ମାନସିକ ସ୍ଥିତି ଭଲ ନଥିବାବେଳେ ଶନିବାର ସେ ପୁଣି ନିଖୋଜ ହୋଇଛନ୍ତି । ବିର୍ଜୁଙ୍କ ଭଉଣୀ କୁତ୍ରା ପୋଲିସ ଷ୍ଟେସନରେ ଅଭିଯୋଗ କରିଛନ୍ତି । ପୋଲିସ ଏବଂ ପରିବାର ପକ୍ଷରୁ ଖୋଜାଖୋଜି ପରେ ମଧ୍ୟ ତାଙ୍କ ପତା ମିଳିନାହିଁ ।