ଟ୍ୱିଟରରେ ବିଜେଡି-ବିଜେପି କଳି

ଭୁୁବନେଶ୍ୱର (ବଡ଼ ଖବର ବ୍ୟୁରୋ): ଟ୍ୱିଟରରେ ଦେଖିବାକୁ ମିଳିଛି ବିଜେଡି-ବିଜେପି କଳି । ବିଜେଡି ବିଧାୟିକା ବର୍ଷା ସିଂ ବରିହା କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଟ୍ୟାଗ କରି ଟ୍ୱିଟରରେ ଲେଖିଥିଲେ ଗତ କିଛି ଦିନ ହେଲା ଆପଣଙ୍କ ଦଳର କେତେକ ନେତା ପୂର୍ବତନ ମନ୍ତ୍ରୀ ନବକିଶୋର ଦାସଙ୍କ ମୃତ୍ୟୁ ପରେ ତାଙ୍କୁ ନିନ୍ଦିତ ଲରିବନାକୁ ଉଦ୍ୟମ କରୁଛନ୍ତି । ଏହା ଆମ ହିନ୍ଦୁ ପରମ୍ପରା ଓଡ଼ିଆ ସଂସ୍କୃତିରେ ଆଦୌ ଗ୍ରହଣୀୟ ନୁହେଁ । ଯେତେବେଳେ ମୋ ବାପାଙ୍କର ଦେହାନ୍ତ ହୋଇଥିଲା, ସେତେବେଳେ ମଧ୍ୟ ରାଜ୍ୟ ବିଜେପିର କିଛି ନେତା ତାଙ୍କୁ ଠିକ୍ ଏମିତି ଆକ୍ଷେପ କରୁଥିଲେ । ମୋ ଚରିତ୍ର ଓ ବାହାଘରକୁ ନେଇ କୁତ୍ସାରଟନା କରୁଥିଲେ ।

ବର୍ଷାଙ୍କୁ କାଉଣ୍ଟର ଆଟାକ୍ କରିଛନ୍ତି ବିଜେପି ଯୁବମୋର୍ଚ୍ଚାର ରାଷ୍ଟ୍ରୀୟ ଉପସଭାପତି ଅପି୍ରତା ବଡ଼ଜେନା । ଟ୍ୱିଟରେ ଅର୍ପିତା କହିଛନ୍ତି, କଣ୍ଟାବାଡ଼ରେ ଲୁଗା ପକାଇ ଝଗଡ଼ା କରିବା ବିଜେଡିର ପୁରୁଣା ଅଭ୍ୟାସ । ଏବଂ ପ୍ରଶ୍ନ କରିଛନ୍ତି ଯେ, ଓଡ଼ିଶାରେ ମହିଳା, ଗର୍ଭବତୀ ମହିଳା, ବାଳିକା, ନବଜାତ ଶିଶୁଙ୍କ ଅବସ୍ଥା ଆଜି କ’ଣ ଅଛି ? ମମିତା ମେହେରଙ୍କୁ ବିଭତ୍ସ ହତ୍ୟାରେ ଆପଣଙ୍କ ପୂର୍ବ ମନ୍ତ୍ରୀଙ୍କ ସମ୍ପୃକ୍ତି ଅଛି କି ନାହିଁ ? ଧର୍ମେନ୍ଦ୍ର ସାହୁଙ୍କର ମୃତ୍ୟୁ ପଛରେ ଗଣଶିକ୍ଷାମନ୍ତ୍ରୀ ଅଛନ୍ତି କି ନାହିଁ? ବିଧାୟକ ବିଜୟଶଙ୍କର କାହିଁକି ବିଧାନସଭା ଆସୁନାହାନ୍ତି ? ସୋମାଲିକା ଭଉଣୀକୁ ନ୍ୟାୟ ଦେବାରେ କୁଆଡେ ଗଲେ ଆପଣଙ୍କ ଏକ ନମ୍ବର ପ୍ରଶାସକ ? ଟ୍ୱିଟ୍ କରି ରାଜ୍ୟ ସରକାରଙ୍କ ବିଫଳତାର ପୋଲ୍ ଖୋଲି ଜବାବ ମାଗିଛନ୍ତି ଅର୍ପିତା ।