ଭୁବନେଶ୍ୱର(ବଡ଼ ଖବର ବ୍ୟୁରୋ): ରାଜ୍ୟରେ ଏବେ ମେଣ୍ଟ ଚର୍ଚ୍ଚା ଜୋର ଧରିଛି । କେତେବେଳେ ଖବର ଆସୁଛି ମେଣ୍ଟ ହେବ ପୁଣି କେତେବେଳେ ଆସୁଛି ମେଣ୍ଟ ହେବ ନାହିଁ । ଏସବୁ ଭିତରେ ନଜର ଥିଲା ଓଡ଼ିଶାରେ ଭୋଟ କେବେ ହେବ । ନୂଆ ସମୀକରଣ ପାଇଁ ଉଭୟ ବିଜେଡି ଓ ବିଜେପିକୁ କେତେ ସମୟ ମିଳିବ । ଯେଉଁ ତାରିଖ ଘୋଷଣା ହୋଇଛି ସେଥିରେ ଓଡ଼ିଶାରେ ପ୍ରଥମ ଭୋଟ ପଡ଼ିବ ମେ’୧୩ରେ ।
ତେଣୁ କୁହାଯାଇପାରିବ ହାତରେ ପ୍ରାୟ ଦୁଇ ମାସ ସମୟ ମିଳିଛି । ଆଉ ଏ ଦୁଇ ମାସ ଛୋଟିଆ ସମୟ ନୁହେଁ । ଅନେକ ବୟାନବାଜି ସତ୍ତ୍ୱେ ଏପର୍ଯ୍ୟନ୍ତ ମେଣ୍ଟ ସମ୍ଭାବନା ଶେଷ ହୋଇନାହିଁ । ମେଣ୍ଟ ହେବାର ଯଥେଷ୍ଟ ସମ୍ଭାବନା ମଧ୍ୟ ରହିଛି । ମେଣ୍ଟକୁ ରାଜ୍ୟ ବିଜେପି ବିଶେଷକରି ସଭାପତି ମନମୋହନ ସାମଲ ତୀବ୍ର ବିରୋଧ କରିଛନ୍ତି । ହେଲେ ବିଜେଡି ମେଣ୍ଟ ସପକ୍ଷରେ କେନ୍ଦ୍ର ବିଜେପିକୁ ବୁଝାଇବାରେ ସକ୍ଷମ ହୋଇଥିବା ଚର୍ଚ୍ଚା ହେଉଛି ।
