ଶିବରାତ୍ରୀ ପରେ ଚମତ୍କାର: ବୈତରଣୀରୁ ବାହାରିଲେ ମହାଦେବ

ଯାଜପୁର(ବଡ଼ ଖବର ବ୍ୟୁରୋ): ବୈତରଣୀ ନଦୀରୁ ଉଭା ହେଲେ ମହାଦେବ । ଯାଜପୁରର ପ୍ରସିଦ୍ଧ ଶୈବ କ୍ଷେତ୍ର ସିଦେଶ୍ବର ନିକଟସ୍ଥ ବୈତରଣୀ ନଦୀ ପାଣିରେ ଶିବ ଜାଗର ଦିନ ବିଶାଳ ଶିବ ଲିଙ୍ଗ ଦେଖିବାକୁ ପାଇଥିଲେ ସ୍ଥାନୀୟ ବାସୀନ୍ଦା । ସୁଚନା ଅନୁସାରେ, ଜେସିବି ମେସିନ ଦ୍ବାରା ବାଲି ଖୋଳା ସମୟରେ ନଦୀ ପାଣି ଭିତରୁ ଶିବ ଲିଙ୍ଗ ସନ୍ଧାନ ମିଳିଥିଲା । ଆଉ ୪ ଟି ଛୋଟ ପଥର ପାଣି ଭିତରେ ଭାସୁଥିବାର ଦେଖିବାକୁ ମିଳିଥିଲା ।

ଦଶରଥପୁର ବିଡିଓ ଘଟଣାସ୍ଥଳରେ ପହଞ୍ଚି ଏହାର ପୁର୍ନଉଦ୍ଧାର ଲାଗି ଜିଲ୍ଲାପାଳ ଓ ରାଜ୍ୟ ପ୍ରତ୍ନତତ୍ବ ବିଭାଗ କୁ ଜଣାଯିବ ବୋଲି କହିଛନ୍ତିା ଏହି ଶୈବ କ୍ଷେତ୍ର ନିକଟସ୍ଥ ବୈତରଣୀ ନଦୀ ଘାଟ ଅସ୍ଥି ଶଲ୍ୟ ବିସର୍ଜନ ଲାଗି ଶ୍ରେଷ୍ଠ ସ୍ଥାନ ହୋଇଥିବାରୁ ଏଠାରେ ଶିବ ଲିଙ୍ଗ ବାହାରୁଥିବାରୁ ଏହାର ଖନନ ହେବା ଆବଶ୍ୟକ ବୋଲି ସରପଞ୍ଚ ଦାବି କରିଛନ୍ତି ।