ଓଡ଼ିଶାରେ ଆଇନର ଶାସନ ନାହିଁ: ମନୋଜ ମହାପାତ୍ର

ଭୁବନେଶ୍ୱର (ବଡ଼ ଖବର ବ୍ୟୁରୋ): କିଛି ଦିନ ହେବ ରାଜ୍ୟରେ ଓଲଟା ଗଣତନ୍ତ୍ର ଚାଲିଛି । ଦୀର୍ଘ ୨୩ ବର୍ଷ ଧରି ମୁଖ୍ୟମନ୍ତ୍ରୀ ନିଜର ଅଭିଯୋଗ ପ୍ରକୋଷ୍ଠରେ ବସି ନାହାଁନ୍ତି କି ଅଭିଯୋଗ ଟିଏ ନେଇ ନାହାନ୍ତି । ୨୩ ବର୍ଷ ପରେ ଜଣେ ବ୍ୟକ୍ତିଗତ ସଚିବଙ୍କୁ ଅଭିଯୋଗ ଆଣିବା ପାଇଁ ପଠାଉଛନ୍ତି । ସଚିବଙ୍କ ଗସ୍ତରେ ୩୦୦ କୋଟି ଟଙ୍କା ରାଜ୍ୟ ରାଜକୋଷରୁ ଖର୍ଚ୍ଚ ହେଉଛି । ବିଜେଡ଼ି ଓ ମୁଖ୍ୟମନ୍ତ୍ରୀ ଏହାର ଜବାବ ଦିଅନ୍ତୁ । ଓଲଟା ଗଣତନ୍ତ୍ର ଚାଲିବା ଓ ମୁଖ୍ୟମନ୍ତ୍ରୀ ନିଜେ ହସ୍ତକ୍ଷେପ ନକରିବା ଫଳରେ ଅରାଜକତା ବଢିଛି । ଓଡ଼ିଶାରେ ଆଇନର ଶାସନ ନାହିଁ ।

ଆଇନଶୃଙ୍ଖଳା ବିପର୍ୟ୍ୟସ୍ତ ଅଧୋଗତି ହେଲାଣି ବୋଲି ଅଭିଯୋଗ କରିଛି ବିଜେପି । ମୁଖ୍ୟମନ୍ତ୍ରୀ କା ରେ ଶାସନ ଟେକି ଦେଇଛନ୍ତି । ମୁଖ୍ୟମନ୍ତ୍ରୀ ତଥା ଗୃହ ମନ୍ତ୍ରୀଙ୍କ ଦାୟିତ୍ଵ କଣ ? ଯାଜପୁରରେ ୫ଟି ଗଞ୍ଜି ପିନ୍ଧି ଆକ୍ରମଣ କରୁଥିଲେ ସେମାନେ କିଏ ? ସେମାନଙ୍କୁ ତୁରନ୍ତ ଗିରଫ କରିବା ପାଇଁ ଦାବି କଲା ବିଜେପି । ଶଙ୍ଖାସୁର ଖୋଳପା ଛାଡି ମୁଖ୍ୟମନ୍ତ୍ରୀ ବାହାରକୁ ଆସନ୍ତୁ । ଜବାବ ରଖନ୍ତୁ ମୁଖ୍ୟମନ୍ତ୍ରୀ ବୋଲି ସାମ୍ବାଦିକ ସମ୍ମିଳନୀରେ କହିଛନ୍ତି ବିଜେପି ରାଜ୍ୟ ମୁଖପାତ୍ର ମନୋଜ ମହାପାତ୍ର ।