କେନ୍ଦ୍ରମନ୍ତ୍ରୀଙ୍କୁ କଳାପତାକା

ବରୀ (ବଡ଼ ଖବର ବ୍ୟୁରୋ):  କେନ୍ଦ୍ରମନ୍ତ୍ରୀଙ୍କୁ ବରୀ ଯୁବ କଂଗ୍ରେସର କଳା ପତାକା ପଦର୍ଶନ। ଆଜି କେନ୍ଦ୍ର ଆଦିବାସୀ କଲ୍ୟାଣ ଓ ବ୍ୟାପାର ମନ୍ତ୍ରୀ ଅର୍ଜୁନ ମୁଣ୍ଡାଙ୍କ ବରୀ ଗସ୍ତ ସମୟରେ ବରୀ ଯୁବ କଂଗ୍ରେସର ଅମରେଶ ପରିଡ଼ାଙ୍କ ସହ କିଛି ଯୁବକ ବରୀ ବରୁଆଁ ମୁଖ୍ୟ ରାସ୍ତା ଗାନ୍ଧୀଛକ ନିକଟରେ କଳା ପତାକା ଦେଖାଇଥିବାର ଦୃଶ୍ୟ ଦେଖିବାକୁ ମିଳିଛି।

ପୋଲିସର କଡା ନଜର ପରେ ମଧ୍ୟ ପୋଲିସ ଆଖିରେ ଧୂଳି ଦେଇ ଯୁବ କଂଗ୍ରେସ କଳା ପତାକା ଦେଖାଇବା ପୋଲିସ ପାଇଁ ଚ୍ୟାଲେଞ୍ଜ ସୃଷ୍ଟି କରିଛି। ଦୁଇ ଦିନିଆ ଯାଜପୁର ଗସ୍ତରେ ଥିବା କେନ୍ଦ୍ରମନ୍ତ୍ରୀ  ଅର୍ଜୁନ ମୁଣ୍ଡାଙ୍କ ଆଜି ଥିଲା ବରୀ ନିର୍ବାଚନ ମଣ୍ଡଳୀ ଗସ୍ତ। କଳା ପତାକା ଦେଖାଉଥିବା ଯୁବକଙ୍କୁ କାବୁ କରିବାକୁ ପୋଲିସ ଯାଇଥିଲେ ମଧ୍ୟ କଂଗ୍ରେସକର୍ମୀମାନେ ଦୌଡ଼ି ପଳାଇଥିଲେ।