ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଭାରତୀୟ ସୁରକ୍ଷା ବାହିନୀ ଦ୍ୱାରା ମାଓବାଦୀଙ୍କୁ କଡା ଜବାବ ।ଅପରେସନ୍ ର ତୃତୀୟ ଦିନରେ ଭାରତୀୟ ସେନାର ବଡ ସଫଳତା । ନସ୍କଲ ବିରୋଧି ଅଭିଯାନ ସମୟରେ ଭାରତୀୟ ସେନାଙ୍କ ଦ୍ୱାରା ୭ ମାଓବାଦୀଙ୍କୁ ଏନ୍କାଉଣ୍ଟର କରାଯାଇଛି । ସାରା ରାତି ଚାଲିଥିଲା ସର୍ଚ୍ଚ ଅପରେସନ୍ । ଭାରତୀୟ ସେନା ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ ଜାରିରହିଛି । ଛତିଶଗଡ ବିଜାପୁରରେ ଇନ୍ଦ୍ରାବତୀ ନ୍ୟାସନାଲ ପାର୍କରେ ମାଓବାଦୀଙ୍କ ବିରୋଧରେ ଅପରେସନ୍ ଜାରି ଥିବା ବେଳେ ଏଥିରେ ୭ ମାଓବାଦୀଙ୍କର ମୃତ୍ୟୁ ହୋଇଛି । ଏଥିରେ ୨ମହିଳା ମାଓବାଦୀଙ୍କର ମୃତ୍ୟୁ ହୋଇଥବା ସୂଚନା ମିଳିଛି ।ମୃତ ମାଓବାଦୀଙ୍କ ମଧ୍ୟରୁ ୨ ଜଣଙ୍କର ମୃତଦେହ ଚିହ୍ନଟ ହୋଇଥିବା ବେଳେ ଅନ୍ୟ ୫ଜଣଙ୍କର ପରିଚୟ ସ୍ପଷ୍ଟ ହୋଇନାହିଁ । ଗୁରୁବାର ଦିନ କେନ୍ଦ୍ରୀୟ କମିଟି ସଦସ୍ୟ ସୁଧାକର ଏବଂ ଶୁକ୍ରବାର ତେଲେଙ୍ଗାନା କମିଟି ସଦସ୍ୟ ଭାସ୍କରର ମୃତଦେହ ଉଦ୍ଧାର ହୋଇଛି । ସେପଟେ ପ୍ରବଳ ଖରା ଯୋଗୁ ସର୍ଚ୍ଚ ଅପରେସନ୍ ବେଳେ କିଛି ଭାରତୀୟ ଯବାନ ଅସୁସ୍ଥ ମଧ୍ୟ ହେଇପଡ଼ିଛନ୍ତି ।