https://youtu.be/BqdQIAitonY
ବଲାଙ୍ଗୀର (ବଡ଼ ଖବର ବ୍ୟୁରୋ): ନାରାୟଣ କଲୋନୀ ସମସ୍ୟା ନେଇ ତାତିଲେ ଲୋକେ । ବାରମ୍ବାର ଅଭିଯୋଗ ପରେ ମଧ୍ୟ କେହି ଦୃଷ୍ଟି ଦେଉ ନଥିବା ଅଭିଯୋଗ ହୋଇଛି । କେବଳ ମିଥ୍ୟା ପ୍ରତିଶ୍ରୁତି ଦେଇ ଲୋକଙ୍କୁ ଭୁଆଁ ବୁଲାଉଛନ୍ତି ବିଡିଓ ଓ ଅଧ୍ୟକ୍ଷ । ଶେଷରେ ବାଧ୍ୟ ହୋଇ ଲୋକେ ପୁଇଁତଳା ବ୍ଲକରେ ତାଲା ମାରି ଆନ୍ଦୋଳନକୁ ଓହ୍ଲାଇଛନ୍ତି । ଅଭିଯୋଗ ଅନୁସାରେ ଦୀର୍ଘ ବର୍ଷ ହେଲା ନାରାୟଣ କଲୋନୀରେ ଲୋକେ ବହୁ ଅସୁବିଧାରେ ରହୁଛନ୍ତି । ଘର ଭାଙ୍ଗିବାକୁ ବସିଥିବା ବେଳେ ବିଜୁଳି ସମସ୍ୟା ମଧ୍ୟ କହିଲେ ନସରେ । ଏନେଇ ବ୍ଲକ୍ ପ୍ରଶାସନ କୌଣସି ପଦକ୍ଷେପ ଗ୍ରହଣ ନ କରିବାରୁ ଲୋକଙ୍କ ମଧ୍ୟରେ ଅସନ୍ତୋଷ ଦେଖା ଦେଇଛି । ସେପଟେ କଲୋନୀର ଲୋକେ ଅସୁବିଧାରେ ରହୁଥିବା କଥାକୁ ସ୍ୱୀକାର କରିଛନ୍ତି ବ୍ଲକ ଅଧ୍ୟକ୍ଷ ସରୋଜ ପ୍ରଧାନ । ସମସ୍ତ ସମସ୍ୟାର ସମାଧାନ କରିବା ପାଇଁ ପଦକ୍ଷେପ ନିଆଯାଉଥିବା ମଧ୍ୟ ସେ କହିଛନ୍ତି ।
