ଉଦଳା(ବଡ ଖବର ବ୍ୟୁରୋ): ଭିଜିଲାନ୍ସ ଜାଲରେ ବିଦ୍ୟୁତ ବିଭାଗର କନିଷ୍ଠ ଯନ୍ତ୍ରୀ । ୧୩ ଶହ ଟଙ୍କା ଲାଞ୍ଚ ନେବାବେଳେ ଭିଜିଲାନ୍ସ ହାତରେ ଧରାପଡିଲେ ଉଦଳା କପ୍ତିପଦା ରଥିପୁର ବିଦ୍ୟୁତ ବିଭାଗର ଜେଇ ଅଶ୍ବିନୀ କୁମାର ଦାସ । ଗାଡି ଭଡା ବାବଦରେ ବିଲ୍ ପାସ୍ କରାଇଦେବାକୁ କହି ଗାଡି ମାଲିକ ଶିଶିର କୁମାର ନାୟକଙ୍କ ଠାରୁ ଲାଞ୍ଚ ନେଉଥିଲେ ଜେଇ । ଯୋଜନା ମୁତାବକ ଆଜି ରଥିପୁର ସ୍ଥିତ ନେସ୍କୋ ଅଫିସରେ ଜେଇ ଅଶ୍ୱିନୀ ଦାସ ଗାଡି ମାଲିକଙ୍କ ପୁଅ ଶିଶିରଙ୍କ ନିକଟରୁ ୧୩ ଶହ ଟଙ୍କା ଲାଂଚ ନେଇ ନିଜ ଡ୍ର ରେ ରଖୁଥିବା ସମୟରେ ପୂର୍ବରୁ ଛପି ରହିଥିବା ଭିଜିଲାନ୍ସ ତାଙ୍କୁ ମାଡି ବସିଥିଲା । ଅଫିସରେ ସମସ୍ତ ଯାଞ୍ଚ ପରେ ନେସ୍କୋ କାର୍ୟ୍ୟନିର୍ବାହୀ ଅଧିକାରୀଙ୍କ କାର୍ୟ୍ୟାଳୟ ଓ ପରେ ଅଶ୍ବିନୀଙ୍କ ବାସଭବନରେ ମଧ୍ୟ ଚଢାଉ କରାଯିବ ବୋଲି ସୂଚନା ଦେଇଛନ୍ତି ଭିଜିଲାନ୍ସ ଡିଏସପି ।
