ଜମି ବିବାଦ ପାଇଁ ଭାଇକୁ ହତ୍ୟା କଲା ଭାଇ

ଗଞ୍ଜାମ (ବଡ଼ ଖବର ବ୍ୟୁରୋ):  ପାରିବାରିକ କଳହର କରୁଣ ପରିଣତି ଭାଇର ଶାବଳ ମାଡ଼ ରେ ଭାଇର ମୃତ୍ୟୁ । ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ ପାଟପୁର ଥାନା ଅନ୍ତର୍ଗତ ଖଲିଙ୍ଗୀ ପଂଚାୟତ ବାସୁଦେବପୁର ଗାଁରେ ଅଭାବନିୟ ଘଟଣା ଭାଇର ଶାବଳ ମାଡ଼ରେ ଭାଇର ମୃତ୍ୟୁ । ମୃତ ଯୁବକ ଜଣକ କଂସ ପ୍ରଧାନଙ୍କ ୨୫ବର୍ଷୀୟ ପୁଅ କୁଲୁ ପ୍ରଧାନ । ଜମିଜମା ବିବାଦକୁ ନେଇ ଉଭୟ ଭାଇଙ୍କ ମଧ୍ୟରେ ବିବାଦ ହୋଇଥିଲା ।

ତେବେ ବଡ଼ ବାପା ପୁଅର ଶାବଳ  ଆକ୍ରମଣ ପରେ କୁଲୁ ପ୍ରଧାନଙ୍କ ମୁଣ୍ଡ ପଛପଟେ ଆଘାତ ଲାଗିଥିଲା । ତାଙ୍କୁ ସଂଗେ ସଂଗେ ନିକଟସ୍ତ ଆଡ଼ପଡା ମେଡିକାଲକୁ ସ୍ଥାନାନ୍ତର କରିଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ପାଟପୁର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।