ସି-ଭୋଟ ସର୍ଭେ, କଂଗ୍ରେସ ଆଗରେ

କର୍ଣ୍ଣାଟକ (ବଡ଼ ଖବର ବ୍ୟୁରୋ):  କର୍ଣ୍ଣାଟକ ନିର୍ବାଚନକୁ ନେଇ ରାଜନୀତି ସରଗରମ ହୋଇଛି । ପ୍ରମୁଖ ଦଳମାନଙ୍କ ମଧ୍ୟରେ ଚାଲିଛି ଅଙ୍କ କଷାକଷି । ଆଉ ଏହାରି ଭିତରେ ପ୍ରକାଶ ପାଇଛି ସି-ଭୋଟ ସର୍ଭେ । ମେ’ ୧୦ରେ ହେବାକୁ ଥିବା ୨୨୪ ଆସନ ବିଶିଷ୍ଟ କର୍ଣ୍ଣାଟକ ବିଧାନସଭା ନିର୍ବାଚନରେ କଂଗ୍ରେସକୁ ୧୧୦ରୁ ୧୨୨ ଆସନ ମିଳିବ ବୋଲି ସି-ଭୋଟର ଜନମତ ସର୍ଭେରେ କୁହାଯାଇଛି। କଂଗ୍ରେସ ୪୦.୨ ପ୍ରତିଶତ ଭୋଟ ପାଇବ ।

ଯାହା ଗତଥର ଠାରୁ ୨.୨ ପ୍ରତିଶତ ଅଧିକ ରହିଛି । ସେହିପରି ବିଜେପି ୭୩ ରୁ ୮୫ ଆସନରେ ସୀମିତ ରହିବ ବୋଲି ସର୍ଭେ ରିପୋର୍ଟରେ କୁହାଯାଇଛି। ୨୦୧୮ରେ ବିଜେପି ୧୦୪ ଆସନ ଜିତିଥିଲା। ଜେଡିଏସ୍‌ ଏଥର ୨୧ ଆସନ ଜିତିବ ବୋଲି ମଧ୍ୟ ରିପୋର୍ଟରେ କୁହାଯାଇଛି । ୨୦୧୮ରେ ଏହି ଦଳକୁ ୩୭ ଆସନ ମିଳିଥିଲା।