https://youtu.be/OxS5JzpZ-Oc
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କାନାଡା ଗ୍ୟାଙ୍ଗଷ୍ଟର ଲଖବୀର ସିଂ ଲାଣ୍ଡାକୁ ଆତଙ୍କବାଦୀ ଘୋଷଣା । ଲଖବୀର ସିଂକୁ ଆତଙ୍କବାଦୀ ଘୋଷଣା କଲେ ଭାରତ ସରକାର । ବେଆଇନ କାର୍ଯ୍ୟକଳାପରେ ସମ୍ପୃକ୍ତି ଅଭିଯୋଗରେ ଆତଙ୍କବାଦୀ ଘୋଷଣା । ପାକିସ୍ତାନରୁ ଭାରତକୁ ବେଆଇନ ଅସ୍ତ୍ରଶସ୍ତ୍ର କାରବାରରେ ସମ୍ପୃକ୍ତ ଥିବା ସୂଚନା । ଶୁକ୍ରବାର ସ୍ୱରାଷ୍ଟ୍ର ମନ୍ତ୍ରଣାଳୟ ଏକ ବିଜ୍ଞପ୍ତି ଜାରି କରି ଏହି ନିଷ୍ପତ୍ତି ସମ୍ପର୍କରେ ସୂଚନା ଦେଇଛି। ବିଜ୍ଞପ୍ତି ଅନୁଯାୟୀ ଲାଣ୍ଡା ପାକିସ୍ତାନରୁ ଭାରତକୁ ଚୋରା ଚାଲାଣ ହେଉଥିବା ଅସ୍ତ୍ରଶସ୍ତ୍ର ଏବଂ ଆଇଇଡି ଉପକରଣ ଉପରେ ନଜର ରଖିଛି।
ଲାଣ୍ଡା ପଞ୍ଜାବର ତରନତାରନ ଜିଲାର ବାସିନ୍ଦା । ସେ ବର୍ତ୍ତମାନ କାନାଡାର ଆଲବର୍ଟା, ଏଡମୋଟନରେ ରହୁଛନ୍ତି । ମେ’ ୯ ୨୦୨୨ରେ ପଞ୍ଜାବ ପୋଲିସର ଇଣ୍ଟେଲିଜେନ୍ସ ମୁଖ୍ୟାଳୟ ଉପରେ ରକେଟ ପ୍ରୋପେଲଡ ଗ୍ରେନେଡ ଆକ୍ରମଣର ମାଷ୍ଟରମାଇଣ୍ଡ ଥିଲା । ପଞ୍ଜାବ ପୋଲିସ ଏବଂ ଏନଆଇଏ ଏହି ମାମଲାରେ ତାଙ୍କ ବିରୋଧରେ ମାମଲା ରୁଜୁ କରିଛନ୍ତି। ତେବେ ସେ ବର୍ତ୍ତମାନ ପଳାତକ ଅଛନ୍ତି ଏବଂ କାନାଡାରେ ଲୁଚି ରହିଛନ୍ତି। ସେ କାନାଡାର ପ୍ରୋ-ଖାଲିସ୍ତାନ ଉପାଦାନ ସହିତ ମଧ୍ୟ ଜଡିତ।
