ଅଫିମ ମାଫିଆଙ୍କ ସ୍ୱର୍ଗପୁରୀ ପାଲଟିଛି ଶମିଳିପାଳ
କରଞ୍ଜିଆ (ବଡ଼ ଖବର ବ୍ୟୁରୋ): ଅଫିମ ମାଫିଆଙ୍କ ସ୍ୱର୍ଗପୁରୀ ପାଲଟିଛି ମୟୂରଭଞ୍ଜ ଜିଲ୍ଲାର ଶିମିଳିପାଳ ଅଭୟାରଣ୍ୟ। ଗତ ୩/୪ ଦିନ ପୂର୍ବରୁ ଯଶୀପୁର ପୋଲିସ୍ ଓ ଅବକାରୀ ବିଭାଗ ଓ ବନବିଭାଗ ମିଳିତ ଭାବେ ଚଢ଼ାଉ କରି ୧୮ କୋଟିରୁ ଅଧିକ ଟଙ୍କାର ଅଫିମ ଚାଷ ନଷ୍ଟ କରିଥିଲେ। ମାତ୍ର ଏବେ ବି ଶିମିଳିପାଳର କୋର୍ ଏବଂ ବୋଫର୍ ଅଞ୍ଚଳରେ ରହିଥିବା ବୁଢ଼ାବଳଙ୍ଗ, ବାଗଡେଗା, ବଳରାମପୁର, ବେନିପୁର, ସାରୁଦା,ବନ୍ଦିରାବସା, ଫୁଲବାଡି, ଜଜଗଡା ଓ ଲେମ୍ବୁଗଡା ଠାରେ ଏକର ଏକର ଜମିରେ କୋଟିକୋଟି ଟଙ୍କାର ଅଫିମ ଚାଷ ଚାଲିଥିଲେ ମଧ୍ୟ ଏହାର ଟେର୍ ପାଉନି ଅବକାରୀ ବିଭାଗ। ଏମିତିକି ବନବିଭାଗ ମଧ୍ୟ ନିରବଦ୍ରଷ୍ଟା । ବର୍ତ୍ତମାନ୍ ସୁଦ୍ଧା ସଂପୃକ୍ତ ଥିବା ଅଫିମ ଚାଷୀ କିମ୍ବା ମାଫିଆମାନଙ୍କୁ ଧରିବାରେ ସଫଳ ହୋଇନି ପୋଲିସ୍ କିମ୍ବା ଅବକାରୀ ବିଭାଗ।