ଜିଆରଏସ ବ୍ଲକ ସଭାପତିଙ୍କୁ ହତ୍ୟା କଲା ପୂର୍ବତନ ସରପଞ୍ଚଙ୍କ ପୁଅ
ବୁଗୁଡ଼ା (ବଡ଼ ଖବର ବ୍ୟୁରୋ): ପୂର୍ବ ଶତ୍ରୁତାରୁ ପୁଣି ହତ୍ୟା । ଗଞ୍ଜାମ ଜିଲ୍ଲାରେ ଗଡ଼ିଛି ଆଉ ଏକ ମୁଣ୍ଡ । ବୁଗୁଡ଼ା ଥାନା ବାଲିପଦର ଫାଣ୍ଡି ଅଧୀନ କଳମ୍ବ- ଅନ୍ତରପଡ଼ା ରାସ୍ତାରେ କଳମ୍ବ ଗ୍ରାମର ସୁକାନ୍ତ କୁମାର ପାଣିଗ୍ରାହୀଙ୍କୁ ପୂର୍ବତନ ସରପଞ୍ଚଙ୍କ ପୁଅ ହତ୍ୟା କରିଥିବା ଅଭିଯୋଗ ହୋଇଛି । ହତ୍ୟା ଯୋଜନାବଦ୍ଧ ଥିବା ନେଇ ଚର୍ଚ୍ଚା ହେଉଛି । ଅଧା ବାଟରେ ଜଗି ସୁକାନ୍ତଙ୍କୁ ବାଇକ୍ରେ ଲିପ୍ଟ ମାଗିଥିଲା ଅଭିଯୁକ୍ତ । ଚଳନ୍ତା ବାଇକ୍ ପଛରେ ବସି ଲୁଚାଇ ରଖିଥିବା ଛୁରିରେ ସୁକାନ୍ତଙ୍କୁ ଆଘାତ କରିଥିଲା ।
ବାଇକ୍ରୁ ସୁକାନ୍ତ ତଳେ ପଡ଼ିଯାଇଥିଲେ । ଗୁରୁତର ଅବସ୍ଥାରେ ସୁକାନ୍ତଙ୍କୁ ବୁଗୁଡ଼ା ମେଡିକାଲ ଅଣାଯାଇ ପ୍ରାଥମିକ ଚିକିତ୍ସା ପରେ ବ୍ରହ୍ମପୁର ସ୍ଥାନାନ୍ତର କରାଯିବା ବେଳେ ତାଙ୍କର ପ୍ରାଣବାୟୁ ଉଡି ଯାଇଥିଲା । ଖବର ପାଇ ବୁଗୁଡ଼ା ଥାନା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ସହ ଶବ ବ୍ୟବଚ୍ଛେଦ ନିମନ୍ତେ ଭଞ୍ଜନଗର ଡାକ୍ତରଖାନାକୁ ପଠାଇଛି। ଥାନା ଅଧିକାରୀ ପ୍ରଭାତ ରଞ୍ଜନ ମହାନ୍ତିଙ୍କ ସୂଚନା ଅନୁସାରେ, ସୁକାନ୍ତଙ୍କୁ ପୂର୍ବତନ ସରପଞ୍ଚ ଦର୍ଶିପୁର ଗ୍ରାମର ଗନ୍ତାୟତ ସ୍ଵାଇଁଙ୍କ ପୁଅ ରାଘବ ଛୁରି ଭୁସି ହତ୍ୟା କରିଥିବା ତାଙ୍କ ମାଆ ଅଭିଯୋଗ କରିଛନ୍ତି ।
ସୁକାନ୍ତ ପୂର୍ବରୁ କଳମ୍ବ ପଞ୍ଚାୟତର ନେଇ ରାଘବଙ୍କ ସହ ମନୋମାଳିନ୍ୟ ଥିଲା। ରାଜନୈତିକ ଜିଆରଏସ୍ ଥିବା ବେଳେ କୌଣସି କାମକୁ ଆକ୍ରୋଶରୁ ତାଙ୍କୁ ହତ୍ୟା କରାଯାଇଥିବା ମୃତକଙ୍କ ମାଆ ଅଭିଯୋଗ ଆଣିଛନ୍ତି । ତେବେ ତଦନ୍ତ ପରେ ପ୍ରକୃତ କାରଣ ଜଣାପଡ଼ିବ ବୋଲି ପୁଲିସ ସୂଚନା ଦେଇଛି ।