ଶିଶୁଙ୍କ କରୋନା ଚିକିତ୍ସା ପାଇଁ କେନ୍ଦ୍ରର ଗାଇଡ଼ଲାଇନ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଶିଶୁଙ୍କ କରୋନା ଚିକିତ୍ସା ପାଇଁ କେନ୍ଦ୍ରର ନିର୍ଦ୍ଦେଶାବଳୀ । ଶିଶୁଙ୍କ ଚିକିତ୍ସା ପାଇଁ କେନ୍ଦ୍ର ସରକାର ନୂଆ ଗାଇଡଲାଇନ ଜାରି କରିଛନ୍ତି । ସ୍ୱାସ୍ଥ୍ୟ ସେବା ମହାନିର୍ଦ୍ଦେଶାଳୟ ପକ୍ଷରୁ ଏହି ନିର୍ଦ୍ଦେଶାବଳୀ ଜାରି ହୋଇଛି । ଏଥିରେ ପିଲାମାନଙ୍କର କରୋନା ଚିକିତ୍ସା ପାଇଁ ରେମଡେସିଭିର୍ ପ୍ରୟୋଗ କରିବାକୁ ମନା କରାଯିବା ସହ ୬ମିନିଟର ୱାକ୍ ଟେଷ୍ଟ ଉପରେ ଗୁରୁତ୍ୱ ଦିଆଯାଇଛି । କରୋନା ସଂକ୍ରମଣ ସମୟରେ ୧୨ବର୍ଷରୁ ଅଧିକ ବୟସର ପିଲାଙ୍କ ପାଇଁ ୬ମିନିଟ ୱାକ୍ ଟେଷ୍ଟ କରାଯାଉ । ବିନା ଲକ୍ଷଣ କିମ୍ବା ସାମାନ୍ୟ ଲକ୍ଷଣ ଥିଲେ କରୋନା ରୋଗୀଙ୍କ କ୍ଷେତ୍ରରେ ଷ୍ଟେରୋଏଡ ବ୍ୟବହାର କରାଯିବା ଉଚିତ୍ ନୁହେଁ ।

ସଠିକ୍ ସମୟରେ ଏବଂ ବିଶେଷଜ୍ଞଙ୍କ ପରାମର୍ଶ ଅନୁଯାୟୀ ନିର୍ଦ୍ଧାରିତ ସୀମା ଭିତରେ ହିଁ ଦେବାକୁ ହେବ । ଏଚ୍ଆର୍ସିଟି ସ୍କାନିଂର କମ୍ ବ୍ୟବହାର ହେବା ଉଚିତ୍ । ପିଲାଙ୍କ ପାଇଁ ରେମ୍ଡେସିଭିର୍ ନଦେବା ପାଇଁ ପରାମର୍ଶ । ମଧ୍ୟମ ଲକ୍ଷଣ ଥିବା ସଂକ୍ରମିତଙ୍କୁ ପାରାସିଟାମୋଲ ଦେବାକୁ ପରାମର୍ଶ ଦିଆଯାଇଛି । ଏହା ୪ ରୁ ୬ଘଣ୍ଟା ବ୍ୟବଧାନରେ ହିଁ ଦିଆଯିବ । ମଧୟମ କରୋନା ସଂକ୍ରମଣ କ୍ଷେତ୍ରରେ ଶୀଘ୍ର ଅକ୍ସିଜେନ ଥେରାପି ପାଇଁ ପରାମର୍ଶ ଦିଆଯାଇଛି । ସାମାନ୍ୟ କରୋନା ଲକ୍ଷଣ କ୍ଷେତ୍ରରେ କୋର୍ଟିକୋଷ୍ଟେରୋଇଡସ ନଦେବା ପାଇଁ କୁହାଯାଇଛି । ଏହା କେବଳ ସଂକ୍ରମଣ ଅଧିକ ବଢିବା କ୍ଷେତ୍ରରେ ହିଁ ବ୍ୟବହାର କରାଯିବ । ବିନା ଲକ୍ଷଣ କିମ୍ବା କମ୍ ଲକ୍ଷଣ କ୍ଷେତ୍ରରେ ଆଣ୍ଟିବାୟୋଟିକ୍ ନଦେବା ପାଇଁ ପରାମର୍ଶ ।