ବିଜେପିର ମିଶ୍ରଣ ପର୍ବ

ଚାନ୍ଦବାଲି (ବଡ଼ ଖବର ବ୍ୟୁରୋ): ବଜରାପୁର ପଞ୍ଚାୟତରେ ବିଜେପିର ମିଶ୍ରଣ ପର୍ବ । ଅନ୍ୟଦଳ ଛାଡି ବିଜେପିର ଯୋଗ ଦେଲେ ୧୦୦ରୁ ଅଧିକ କର୍ମୀ । ସାଧାରଣ ନିର୍ବାଚନକୁ ମାତ୍ର କିଛିଦିନ ବାକି ଥିବା ବେଳେ ନେତା ଏବଂ କର୍ମୀ ମାନଙ୍କ ଭିତରେ ଦଳ ବଦଳ ରାଜନୀତି ଥମିବାରେ ନା ଧରୁନି। ଏମିତି ଏକ ମିଶ୍ରଣ ଦେଖିବାକୁ ମିଳିଛି ଚାନ୍ଦବାଲି ବ୍ଲକ ବଜରାପୁର ପଞ୍ଚାୟତରେ ।

ବିଜେଡି ଏବଂ କଂଗ୍ରେସ ଦଳଛାଡି ଭଦ୍ରକ ବିଜେପି ଲୋକୋସଭା ପ୍ରାର୍ଥୀ ଅଭିମନ୍ୟୁ ସେଠୀ , ମିତ୍ରଭାନୁ ଦାସ, ବଜରାପୁର ପଞ୍ଚାୟତରେ ବିଜେପି ନେତା ବାପି ପଣ୍ଡାଙ୍କ ଉପସ୍ଥିତିରେ ବଜରାପୁର ପଞ୍ଚାୟତର ୧୦୦ରୁ ଅଧିକ ଆଗ ଧାଡିର ନେତା ଓ କର୍ମୀ ଯୋଗ ଦେବା ସହିତ ବିଜେପି ଦଳୀୟ ଉତରୀୟ ଦେଇ କର୍ମୀମାନଙ୍କୁ ସ୍ୱାଗତ କରା ଯାଇଥିଲା। ଆସନ୍ତା ସାଧାରଣ ନିର୍ବାଚନରେ ବଜରାପୁର ପଞ୍ଚାୟତରେ ବିଜେପି ଆହୁରି ଭଲ ପ୍ରଦର୍ଶନ କରିବ ବୋଲି କହିଛନ୍ତି ନେତା ।