କାନ୍ଦିଥିଲେ ଚନ୍ନି: ରାହୁଲ

ପଞ୍ଜାବ (ବଡ଼ ଖବର ବ୍ୟୁରୋ): ଶନିବାର ଅନୁଷ୍ଠିତ କଂଗ୍ରେସ ୱାର୍କିଂ କମିଟି (ସିଡବ୍ଲୁସି) ବୈଠକରେ ରାହୁଲ ଗାନ୍ଧୀ କହିଛନ୍ତି ଯେ ପଞ୍ଜାବର ମୁଖ୍ୟମନ୍ତ୍ରୀ ହେବେ ବୋଲି କୁହାଯିବା ପରେ ଚରଣଜିତ ସିଂ ଚନ୍ନି କାନ୍ଦିବା ଆରମ୍ଭ କରିଥିଲେ। ବୈଠକରେ ସିଡବ୍ଲ୍ୟୁସି ସହିତ ବ୍ୟକ୍ତିଗତ ଭାବେ କଥା ହେବା ପାଇଁ ଅନୁମତି ମାଗି ରାହୁଲ କହିଛନ୍ତି ଯେ ଯେତେବେଳେ କଂଗ୍ରେସ ସଭାପତି ସୋନିଆ ଗାନ୍ଧୀ ଚରଣଜିତ ସିଂ ଚନ୍ନିଙ୍କୁ ଡାକିଲେ ଏବଂ ସେ ପଞ୍ଜାବର ପରବର୍ତ୍ତୀ ସିଏମ୍ ହେବେ ବୋଲି କହିଥିଲେ ଏହା ଶୁଣି ଚନ୍ନି କାନ୍ଦିବାକୁ ଲାଗିଲେ ଏବଂ କହିଥିଲେ ଯେ ତାଙ୍କ ପରି ସରଳ ପୃଷ୍ଠଭୂମିରୁ ଜଣେ ବ୍ୟକ୍ତି ମୁଖ୍ୟମନ୍ତ୍ରୀ ହୋଇପାରିବେ ବୋଲି ସେ କଳ୍ପନା କରି ପାରିବେ ନାହିଁ।

କଂଗ୍ରେସ ୱାର୍କିଂ କମିଟି ବୈଠକରେ ଉପସ୍ଥିତ ଥିବା ଚରଣଜିତ ସିଂ ଚନ୍ନି ରାହୁଲ ଗାନ୍ଧୀଙ୍କ ବକ୍ତବ୍ୟରେ ମୁଣ୍ଡ ନୁଆଁଇ ସମ୍ନତି ପ୍ରକାଶ କରିଥିଲେ । ସେ କହିଥିଲେ “ମୁଁ କଦାପି ମୁଖ୍ୟମନ୍ତ୍ରୀ ହେବାର ସ୍ୱପ୍ନ ଦେଖି ନଥିଲି କାରଣ ମୁଁ ସେହି ସମ୍ପ୍ରଦାୟର ଅଟେ ଯେଉଁଠାରେ ସର୍ତ୍ତ ରହିଛି ଯେ ଆମେ ସ୍ୱପ୍ନ ଦେଖିବା ଉଚିତ୍ ନୁହେଁ। ମୁଁ ସେଦିନ ଫୋନରେ କାନ୍ଦିଥିଲି କାରଣ କଂଗ୍ରେସ ସଭାପତି ଏବଂ ରାହୁଲଜୀ ମୋତେ ମୁଖ୍ୟମନ୍ତ୍ରୀ ଚୟନ କରିଥିଲେ ।