ଚିକିତ୍ସା ଅବହେଳାରୁ ଶିଶୁ ମୃତ୍ୟୁ ଘଟଣା, ଜିଲ୍ଲାପାଳ ଓ ସ୍ବାସ୍ଥ୍ୟ ଅଧିକାରୀଙ୍କ ତଦନ୍ତ ଆରମ୍ଭ

ବରୀ(ବଡ଼ ଖବର ବ୍ୟୁରୋ):  ଶିଶୁ ମୃତ୍ୟୁ ଘଟଣାରେ ଜିଲ୍ଲାପଳଙ୍କ ତଦନ୍ତ ଆରମ୍ଭ । ରବିବାର ଦିନ ଚିକିତ୍ସା ଅବହେଳା ଫଳରେ ଜଣେ ଶିଶୁ କନ୍ୟାର ମୃତ୍ୟୁ ହୋଇଥିଲା । ପରିବାର ଲୋକଙ୍କ ଅଭିଯୋଗ ପରେ ସ୍ୱାସ୍ଥ୍ୟ କେନ୍ଦ୍ର ପରିସର ରେ ପରିବାର ଲୋକଙ୍କ ସହ ସ୍ଥାନୀୟ ଲୋକଙ୍କ ଭଙ୍ଗରୁଜା ପୋଡ଼ା ଜଳା ପରେ ଆଜି ବରୀ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ପରିଦର୍ଶନ ରେ ଯାଜପୁର ଜିଲ୍ଲାପାଳ ଚକ୍ରବର୍ତ୍ତୀ ସିଂ ରାଠୋର ଆସି ତଦନ୍ତ ଆରମ୍ଭ କରିଛନ୍ତି । ଦୀର୍ଘଦିନ ଧରି ବରୀ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ରେ ଚିକିତ୍ସା ର ଅବହେଳା ହେଉଥିବା ବେଳେ ଆଜି ଜିଲ୍ଲାପାଳ ଙ୍କ ଗସ୍ତ ସମୟ ରେ ସ୍ଥାନୀୟ ଲୋକେ ବିଭିନ୍ନ ସମସ୍ୟା ଉପରେ ଜିଲ୍ଲାପାଳ ଙ୍କୁ କହିଛନ୍ତି ।

ଯାହାକୁ ନେଇ ତୀବ୍ର ଅସନ୍ତୋଷ ବ୍ୟକ୍ତ କରିଛନ୍ତି ଜିଲ୍ଲାପାଳ। ଯାଜପୁର ଜିଲ୍ଲା ସ୍ୱାସ୍ଥ୍ୟ ଅଧିକାରୀ ଙ୍କ ଉପସ୍ଥିତି ରେ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଲୋକ ମାନଙ୍କୁ ଉତ୍ତମ ସ୍ବାସ୍ଥ୍ୟ ସେବା ଯୋଗାଇ ଦେବା ପାଇଁ ନିର୍ଦ୍ଦେଶ ଦେଇଥିଲେ। ତତ୍ ସହିତ ସବୁଦିନ ସକାଳ ୮ ଟାରୁ ରାତି ୮ ଟା ପର୍ଯ୍ୟନ୍ତ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ପରୀକ୍ଷା ଗାରା ସହ ନିରାମୟ ଖୋଲା ରଖିବା ସହ ଡାକ୍ତର ଉପସ୍ଥିତ ରହିବାକୁ ନିର୍ଦ୍ଦେଶ ଦେଇଛନ୍ତି।

ଆସନ୍ତା ମାସ ରେ ୪ ଜଣ ଡାକ୍ତର ବରୀ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଛାଡ଼ିବାକୁ ଶୁଣା ଯାଉଥିବା ବେଳେ ନୂତନ ଡାକ୍ତର ନିଯୁକ୍ତି କୁ ଗୁରୁତ୍ଵ ଦେବାକୁ ଜିଲ୍ଲା ସ୍ବାସ୍ଥ୍ୟ ଅଧିକାରୀ ଙ୍କୁ ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ । ଭୁଲ ଇଞ୍ଜେକସନ ରେ ମୃତ୍ୟୁ ହୋଇଥିବା ଶିଶୁ ର ପରିବାର ଲୋକ ଙ୍କ ଅଭିଯୋଗ ଅନୁଯାୟୀ ତଦନ୍ତ ହେଉଥିବା କହିଛନ୍ତି। ତେବେ ଦାୟିତ୍ଵ ରେ ଖିଲାପ କରିଥିବା ଡ଼ାକ୍ତର ଙ୍କ ବିରୋଧ ରେ କେଉଁ ପ୍ରକାର କାର୍ୟ୍ୟାନୁଷ୍ଠାନ ଗ୍ରହଣ ହେଉଛି ତାହା କୁ ଅପେକ୍ଷା।