‘ଅରୁଣାଚଳ ପ୍ରଦେଶ ଭାରତର ଅଭିନ୍ନ, ଅବିଚ୍ଛେଦ୍ୟ ଅଙ୍ଗ’

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଅରୁଣାଚଳ ପ୍ରଦେଶରେ ନିଜର ଉପସ୍ଥିତି ଜାହିର କରିଛି ଚୀନ । ପୁଣିଥରେ ଚାଇନା ଅରୁଣାଚଳ ସହ ଜଡିତ ସ୍ଥାନର ନାମକୁ ତା’ର ନକ୍ସାରେ ବଦଳାଇ ଦେଇଛି। ଏହା ପୂର୍ବରୁ ୨୦୨୧ରେ ଚୀନ୍ ୧୫ଟି ସ୍ଥାନର ନାମ ପରିବର୍ତ୍ତନ କରିଥିଲା । ସେହିପରି ୨୦୧୭ରେ ୬ଟି ସ୍ଥାନର ନାମ ପରିବର୍ତ୍ତନ କରିଥିଲା ଚୀନ୍ । ଏହାକୁ ନେଇ ଏବେ ବୈଦେଶିକ ମନ୍ତ୍ରଣାଳୟର ବୟାନ ସାମ୍ନାକୁ ଆସିଛି।

ବୈଦେଶିକ ମନ୍ତ୍ରଣାଳୟ କହିଛି ଏହା ପ୍ରଥମଥର ନୁହେଁ ଯେ ଚାଇନା ଏଭଳି ଚେଷ୍ଟା କରିଛି। ଆମେ ଏହାକୁ ସମ୍ପୂର୍ଣ୍ଣ ଭାବେ ଖାରଜ କରୁଛୁ। ଅରୁଣାଚଳ ପ୍ରଦେଶ ଭାରତର ଅଭିନ୍ନ, ଅବିଚ୍ଛେଦ୍ୟ ଅଙ୍ଗ । ବୈଦେଶିକ ମନ୍ତ୍ରଣାଳୟ କହିଛି ଆବିଷ୍କାର କରାଯାଇଥିବା ନାମକୁ ଲଦିଦେବାର ପ୍ରୟାସ ଏହି ବାସ୍ତବିକତାକୁ ପରିବର୍ତ୍ତନ କରିପାରିବ ନାହିଁ।