ଚୀନ ତିଆରି କରୁଛି ବିଶ୍ୱର ସବୁଠାରୁ ଶକ୍ତିଶାଳୀ କ୍ଷେପଣାସ୍ତ୍ର
ନୂଆଦିଲ୍ଲୀ(ବଡ଼ ଖବର ବ୍ୟୁରୋ) : ଆହୁରି ଶକ୍ତିଶାଳୀ ହେବାକୁ ଯାଉଛି ଚୀନ । ସାରା ବିଶ୍ୱକୁ ନିଜ ହାତମୁଠାରେ ରଖିବାକୁ ଚାହୁଁଛି ଚୀନ । ନିଜ ଦେଶକୁ ଅଧିକରୁ ଅଧିକ ଶକ୍ତିଶାଳୀ କରିବା ପାଇଁ ଅତ୍ୟାଧୁନିକ ମିଶାଇଲ ପରୀକ୍ଷଣ କରିବାରେ ଲାଗିଛି । ଏ ନେଇ ଫାଇନାନ୍ସିଆଲ୍ ଟାଇମ୍ସ ରିପୋର୍ଟରେ ଏପରି ପ୍ରକାଶ ପାଇବା ପରେ ସମଗ୍ର ବିଶ୍ୱ ଆତଙ୍କିତ ହୋଇପଡିଛି । ଚୀନ୍ ନୂତନ ମହାକାଶ କ୍ଷମତା ସହିତ ସଜ୍ଜିତ ହାଇପରସୋନିକ୍ କ୍ଷେପଣାସ୍ତ୍ର ପରୀକ୍ଷା କରିଛି ।
ହାଇପରସୋନିକ କ୍ଷେପଣାସ୍ତ୍ରକୁ ଏକ ରକେଟ ଦ୍ୱାରା ପରିବହନ କରାଇ ପରୀକ୍ଷା କରିଥିଲା ଚୀନ । ତେବେ କୌଣସି କ୍ଷେପଣାସ୍ତ୍ର ପରୀକ୍ଷଣ କରିବା ପୂର୍ବରୁ ଘୋଷଣା କରେ ଡ୍ରାଗନ୍, କିନ୍ତୁ ଏଥର ଅଗଷ୍ଟରେ ହୋଇଥିବା ପରୀକ୍ଷାକୁ ଗୁପ୍ତ ରଖାଯାଇଥିଲା । ଚୀନ ଦ୍ୱାରା ବିକଶିତ ହାଇପରସୋନିକ ଅସ୍ତ୍ରକୁ ନେଇ ଆମେରିକା ମଧ୍ୟ ଆତଙ୍କିତ ଅବସ୍ଥାରେ ଥିବା ରିପୋର୍ଟରୁ ଜଣାପଡିଛି । ଖବର ଅନୁଯାୟୀ ଚୀନ, ଋଷ, ଆମେରିକା ହାଇପରସୋନିକ୍ ଟେକ୍ନୋଲୋଜି ଉପରେ କାମ କରୁଛନ୍ତି ।
ତେବେ ଏହି ହାଇପରସୋନିକ କ୍ଷେପଣାସ୍ତ୍ର ଏକ ପାରମ୍ପାରିକ ବାଲିଷ୍ଟିକ କ୍ଷେପାଣସ୍ତ୍ର ସହିତ ସମାନ । ତେଣୁ ଏଗୁଡିକ ପରମାଣୁ ଅସ୍ତ୍ରଶସ୍ତ୍ର ବହନ କରିବାକୁ ସକ୍ଷମ । ବାଲିଷ୍ଟିକ୍ କ୍ଷେପଣାସ୍ତ୍ର ଗୁଡିକ ଲକ୍ଷ୍ୟସ୍ଥଳରେ ପହଞ୍ଚିବା ପାଇଁ ମହାକାଶରେ ଉଚ୍ଚ ଉଡାଣ ଭରନ୍ତି । ହାଇପରସୋନିକ କ୍ଷେପଣାସ୍ତ୍ରଗୁଡିକ ଶବ୍ଦର ଗତି ତୁଳନାରେ ପାଞ୍ଚ ଗୁଣ ଅଧିକ ହୋଇଥାଏ । ତେବେ, ଉଭୟଙ୍କ ମଧ୍ୟରେ ସବଠାରୁ ବଡ ପାର୍ଥକ୍ୟ ହେଲା ବାଲିଷ୍ଟିକ କ୍ଷେପଣାସ୍ତ୍ର ମହାକାଶରେ ଉଚ୍ଚରେ ଉଡିପାରେ । ହାଇପରସୋନିକ କ୍ଷେପାଣାସ୍ତ୍ର ବାୟୁମଣ୍ଡଳରେ ବହୁତ କମ ସମୟ ଘୁରି ଲକ୍ଷ୍ୟ ସ୍ଥଳରେ ଖୁବ ଶୀଘ୍ର ପହଞ୍ଚିପାରେ ।
