ଚୀନ ସିସିଟିଭିକୁ ଭାରତରେ ନା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଷଡ଼ଯନ୍ତ୍ର କରୁଛି ବଦମାସ ଚୀନ । ତଥ୍ୟ ନେବାକୁ ହେଉଛି ଆଭଗର । ଶତ୍ରୁ ସାଜି ଭାରତ ବିରୋଧରେ ବିଛାଉଛି ଜାଲ । ବେଇମାନ ଚୀନକୁ ଶକ୍ତ ଚାପୁଡା ମାରିଛି ଭାରତ । ଜ୍ୟୋତି ମଲହୋତ୍ରାର କଥା ମନରୁ ଲିଭି ନଥିବାବେଳେ ଏବେ ଚୀନର ଅସଲ ରୂପ ସାମ୍ନାକୁ ଆସିଛି । ଚୀନ ନିର୍ମିତ ସିସିଟିଭି କରୁଛି ଭାରତର ଗୁପ୍ତତଥ୍ୟ ଚୋରୀ । ଯେଉଁ କାରଣ ପାଇଁ ଭାରତ ସରକାରଙ୍କୁ ବଡ଼ ନିଷ୍ପତ୍ତି ନେବାକୁ ପଡ଼ିଛି । ବିନା ଯାଞ୍ଚରେ ଆଉ ବିକ୍ରି ହୋଇପାରିବନି ବିଦେଶୀ ନିର୍ମିତ ସିସିଟିଭି ଓ କ୍ୟାମେରା । ଏନେଇ ଭାରତ ପକ୍ଷରୁ ନିଦେ୍ର୍ଦଶନାମା ଜାରି କରାଯାଇଛି । ଏଣିକି ଭାରତୀୟ ଲ୍ୟାବ ବିଦେଶୀ ନିର୍ମିତ ସିସିଟିଭି ଏବଂ ଅନ୍ୟାନ୍ୟ ଉପକରଣକୁ ପରୀକ୍ଷା କରାଯିବ ।

ଏବେ ସିସିଟିଭି ନିର୍ମାଣକାରୀ କମ୍ପାନୀ ଗୁଡିକୁ ଭାରତୀୟ ଲ୍ୟାବ ହାର୍ଡୱେୟାର, ସଫ୍ଟୱେୟାର ଭଳି ଇଲେକଟ୍ରିକ ସାମଗ୍ରୀ ଉପରେ ଯାଂଚ କରାଯିବ । ଚୀନର ସାଓମି, ଦାହୁଆ ଓ ଆମେରିକାର ମଟ୍ରୋଲା ଭଳି ଅନେକ ଜଣାଶୁଣା କମ୍ପାନୀକୁ ମଧ୍ୟ ଏବେ ଭାରତୀୟ ଲ୍ୟାବ୍ରେ ପରୀକ୍ଷା କରାଯିବ ।

ଏପ୍ରିଲ ୯ରେ ଏନେଇ ଭାରତ ସରକାର ଏନେଇ ନିଷ୍ପତ୍ତି ନେଇଥିଲେ । ଚୀନର ସାଓମି, ଦାହୁଆ ସହ ଆମେରିକାର ମଟ୍ରୋଲା ଭଳି ୧୭ଟି ଘରୋଇ କମ୍ପାନୀ ସହ ଏନେଇ ବୈଠକ ମଧ୍ୟ କରିଥିଲେ । ଯାହାକୁ ନେଇ ଅନ୍ୟ ବୈଦେଶିକ କମ୍ପାନୀ ଗୁଡିକ ବିରୋଧ କରିଥିଲେ ଏବଂ କିଛି ସମୟ ମାଗିଥିଲେ । ଭାରତ ସରକାରଙ୍କ ଏହି ନିଷ୍ପତ୍ତି ସମଗ୍ର ଆଇଟି କମ୍ପାନୀକୁ ଦୋହଲାଇ ଦେଇଛି । ଫଳରେ ବିରୋଧୀ ଚୀନକୁ ଶକ୍ତି ଝଟକା ଲାଗିଛି ।