ସୌରିନଙ୍କୁ ଖୋଜିବା ପାଇଁ କୋଲକାତା ଗଲା କମିଶନରେଟ ପୋଲିସ

କଟକ(ବଡ଼ ଖବର ବ୍ୟୁରୋ): ସୌରିନ ଭଟ୍ଟଙ୍କ ନାଁରେ ଯୌନ ନିର୍ଯାତନା ମାମଲା । ସୌରିନଙ୍କୁ ଖୋଜିବା ପାଇଁ କୋଲକାତା ଗଲା କମିଶନରେଟ ପୋଲିସର ଗୋଟିଏ ଟିମ୍ । କଣ୍ଠଶିଳ୍ପୀ ସୌରିନ ଭଟ୍ଟଙ୍କ ନାଁରେ ଜଣେ ଯୁବତୀ ଆଣିଥିଲେ ସଙ୍ଗୀନ ଅଭିଯୋଗ । ଗାୟିକା କରାଇ ଦେବାର ପ୍ରତିଶ୍ରୁତି ଦେଇ ଶୋଷଣ କରାଯାଇଥିବା ଅଭିଯୋଗ କରିଥିଲେ ଯୁବତୀ । ଜଗତପୁର ଥାନାରୁ ଯାଇ ଯୁବତୀ ଜଣକ ମହିଳା ଥାନାରେ ଏତଲା ଦେଇଥିଲେ । ମାନସିକ ଓ ଶାରୀରିକ ନିର୍ୟାତନା ଦିଆଯାଇଥିବା ସଂପୃକ୍ତ ଯୁବତୀ ଅଭିଯୋଗ କରିଥିଲେ । ୨୦୧୫ରେ ସୌରିନ ଓ ଯୁବତୀଙ୍କ ମଧ୍ୟରେ ଚିହ୍ନା ପରିଚୟ ହୋଇଥିଲା । ପରେ ସୌରିନ୍ ବିବାହିତ ଜାଣିବା ପରେ ଯୁବତୀ ଦୁରେଇବାକୁ ଚାହିଁଥିଲେ ହେଲେ ସୌରିନ ବିବାହ ପ୍ରତିଶ୍ରୁତି ଦେଇ ପୁଣି ଆଗକୁ ସମ୍ପର୍କ ବଢାଇ ଥିଲେ ।