‘ମଣିପୁର ସରକାର ଏବଂ ପ୍ରଶାସନ ଉପରେ ଲୋକଙ୍କର ଆଉ ଭରସା ନାହିଁ’

ଇମ୍ଫାଲ (ବଡ଼ ଖବର ବ୍ୟୁରୋ): ହିଂସାରେ ଜଳୁଛି ମଣିପୁର । ଏବେ ବି ମଣିପୁରରେ ଜାରି ରହିଛି ହିଂସା । ବିଭିନ୍ନ ସ୍ଥାନରେ ଜାରି ରହିଛି ଗୁଳି ବର୍ଷା । ମଣିପୁରରେ ଥଂଗଜିଙ୍ଗ୍ ନାମକ ସ୍ଥାନରେ ଗତକାଲି ରାତିରେ ୨୦ ରାଉଣ୍ଡ ଗୁଳିମାଡ ହୋଇଛି । ଗେଲଜୌଙ୍ଗ୍ ଏବଂ ସିଂଗଡାରେ ବି ଗୁଳିମାଡ ଘଟଣା ସାମ୍ନାକୁ ଆସିଛି । ମଣିପୁରରେ ହିଂସାକାଣ୍ଡ ବଢୁଥିବା ବେଳେ ମଣିପୁରରେ ବିଜେପିର ୯ ବିଧାୟକ ନିଜ ମୁଖ୍ୟମନ୍ତ୍ରୀଙ୍କ ବିରୋଧରେ ପ୍ରଧାନମନ୍ତ୍ରୀଙ୍କ ନିକଟକୁ ପତ୍ର ଲେଖିଛନ୍ତି ।

ଆମେରିକା ଗସ୍ତ ପୂର୍ବରୁ ମଣିପୁରର ୯ଜଣ ବିଜେପି ବିଧାୟକ ପ୍ରଧାନମନ୍ତ୍ରୀ ମୋଦିଙ୍କ ନିକଟକୁ ଏକ ପତ୍ର ଲେଖିଛନ୍ତି । ସେଥିରେ ଲେଖାଯାଇଛି ମଣିପୁର ସରକାର ଏବଂ ପ୍ରଶାସନ ଉପରେ ଲୋକଙ୍କର ଆଉ ଭରସା ନାହିଁ । ରାଜ୍ୟ ସରକାରଙ୍କ ଉପରେ ଜନତାଙ୍କ ବିଶ୍ୱାସ ଉଠିଗଲାଣି । ତେଣୁ ଏହାକୁ ଗୁରୁତ୍ୱର ସହ ନେଇ ସମସ୍ୟାର ସାଧାନ କରନ୍ତୁ ।