କଡ଼ ଲେଉଟାଉଛି କରୋନା
କଣ୍ଟାପଡ଼ା(ବଡ଼ ଖବର ବ୍ୟୁରୋ): କଣ୍ଟାପଡ଼ାର ୨ଟି ପଞ୍ଚାୟତରେ ଜଣଙ୍କ ମୃତ୍ୟୁ ହୋଇଥିବା ବେଳେ ୧୭ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାକୁ ଦୃଷ୍ଟିରେ ରଖି ସ୍ଥାନୀୟ ପ୍ରଶାସନ ଶନିବାର ଭୋର ୬ଟାରୁ ଆସନ୍ତା ୪ତାରିଖ ଭୋର ୬ଟା ପର୍ଯ୍ୟନ୍ତ କଣ୍ଟେଟମେଣ୍ଟ ଜୋନ ଘୋଷଣା କରିଛି । ଝାରପଡ଼ା ପଞ୍ଚାୟତର ଗୋଟିଏ ପରିବାରର ୩ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି ।
୨ ଜଣ ସଙ୍ଗରୋଧରେ ଥିବାବେଳେ ଜଣକୁ କୋଭିଡ଼ କେୟାରକୁ ପଠାଯାଇଛି । ସେହିପରି ପାଟସୁନ୍ଦରପୁର ପଞ୍ଚାୟତରେ ଜଣେ ମୃତ୍ୟୁବରଣ କରିଥିବା ବେଳେ୧୪ ଜଣ ଆକ୍ରାନ୍ତ ହୋଇଛନ୍ତି । କୋରନା ଭୟାବହକୁ ଆଖିରେ ରଖି ଗୋବିନ୍ଦପୁର ଥାନା ଅଧିକାରୀ ମାସ୍କ ପିନ୍ଧିବା ସହ ସାମାଜିକ ଦୂରତା ରକ୍ଷା କରିବା ପାଇଁ ଅନୁରୋଧ କରିଛନ୍ତି । କଣ୍ଟାପଡ଼ା ବ୍ଲକ ପ୍ରଶାସନ ସମ୍ପୂର୍ଣ୍ଣ ସଜାଗ ଅଛି ବୋଲି କୋଭିଡ଼ ପରିଚାଳନା କମିଟି କହିଛନ୍ତି ।