ଭୁବନେଶ୍ୱରିଆ ଅମାନିଆ
ଭୁବନେଶ୍ୱର, (ବଡ଼ ଖବର ବ୍ୟୁରୋ) : କୋଭିଡ୍ କଟକଣାକୁ ମାନୁ ନାହାଁନ୍ତି ରାଜଧାନୀବାସୀ । ସେ ନେତା ହୁଅନ୍ତୁ କି ଜନତା କେହି ବି ମାନୁ ନାହାଁନ୍ତି କଟକଣା । ମାସ୍କ ପିନ୍ଧୁ ନାହାନ୍ତି କି ସାମାଜିକ ଦୂରତାକୁ ମାନୁ ନାହାଁନ୍ତି । ଦଳ ଦଳ ହୋଇ ବୁଲି ବାଣ୍ଟୁଛନ୍ତି କରୋନା । ଆଜି ରାଜ୍ୟରେ ୨୪୨୩ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ରାଜଧାନୀରୁ ୨୭୧ କରୋନା ପଜିଟିଭ ଚିହ୍ନଟ ହୋଇଛନ୍ତି । ଚିହ୍ନଟ ହୋଇଥିବା ପଜିଟିଭଙ୍କ ମଧ୍ୟରୁ ୨୦୩ ଲୋକାଲ କେସ୍ ହୋଇଥିବା ବେଳେ ୬୮ଟି କ୍ୱାରେଣ୍ଟାଇନ କେସ୍ ରହିଛି । ସେହିପରି ଭାବରେ ଆଜି ରାଜଧାନୀରେ ୩୧୩ କରୋନା ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି । ଏନେଇ ବିଏମସି ପକ୍ଷରୁ ଟୁଇଟ ଯୋଗେ ସୂଚନା ଦେଇଛନ୍ତି ।
Update on newly detected #COVID19 cases in the last
24 hrs under the BMC area on 12th Oct 2020(till 9am). pic.twitter.com/NDqQxTqPSq— BMC (@bmcbbsr) October 12, 2020
ଆଜି ଚିହ୍ନଟ ହୋଇଥିବା ଆକ୍ରାନ୍ତଙ୍କୁ ମିଶାଇ ରାଜଧାନୀରେ ମୋଟ ଆକ୍ରାନ୍ତଙ୍କ ସଂଖ୍ୟା ୨୫ହଜାର ୭୩୫ ପହଞ୍ଚିଛି । ଏହା ସହିତ ୨୨ ହଜାର ୨୧୦ ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି । ଅନ୍ୟପଟେ ୩ ହଜାର ୩୮୫ ଜଣ ଆକ୍ରାନ୍ତ ବିଭିନ୍ନ ହସ୍ପିଟାଲରେ ଚିକିତ୍ସିତ ହେଉଥିବା ବେଳେ ୧୧୯ ଜଣଙ୍କର ଏଯାବତ ମୃତ୍ୟୁ ହୋଇଛି ।