କରୋନାର ନୂଆ ହବ୍ ନୂଆପଡ଼ା

ନୂଆପଡ଼ା (ବଡ଼ ଖବର ବ୍ୟୁରୋ): ରାଜ୍ୟରେ କୋଭିଡ ଆକ୍ରାନ୍ତଙ୍କ ସଂଖ୍ୟା ଧିରେ ଧିରେ ପୂର୍ବ ସ୍ଥିତିକୁ ଫେରୁଛି । ଯାହା ରାଜ୍ୟ ସରକାରଙ୍କ ନିଦ ହଜେଇଲାଣି । ସବୁଠୁ ବଡ଼ କଥା ହେଉଛି କରୋନାର ନୂଆ ହବ୍ ପାଲଟିଲାଣି ନୂଆପଡ଼ା । କାହିଁକି ନା ଜିଲ୍ଲାର ଆଜି ଗୋଟିଏ ଗାଁରୁ ୩୩ ଜଣ କୋଭିଡ ସଂକ୍ରମିତ ଚିହ୍ନଟ ହୋଇଛନ୍ତି । ସମସ୍ତ ସଂକ୍ରମିତ ହେଉଛନ୍ତି ନୂଆପଡ଼ା ଜିଲ୍ଲାର ଗୋଡାଲ ପଞ୍ଚାୟତ ବ୍ରାହ୍ମଣପଡା ଗାଁର । ଏହାପରେ ବ୍ରାହ୍ମଣପଡା ଗାଁକୁ ଜିଲ୍ଲା ପ୍ରଶାସନ ସିଲ୍ କରିଛି। ତେବେ ଏଠାକାର ଲୋକେ ଛତିଶଗଡ ସହିତ ସିଧାସଳଖ ସମ୍ପର୍କରେ ରହୁଥିବାରୁ ସେଠାରୁ ସଂକ୍ରମଣ ବ୍ୟାପିଥିବା ନେଇ ଅନୁମାନ କରାଯାଉଛି ।