ଜାଲ ନୋଟ ଜବତ

ବାରିପଦା(ବଡ଼ ଖବର ବ୍ୟୁରୋ): ବାରିପଦା ଗୋଲେଇରୁ ଜାଲ ନୋଟ ଜବତ । ୮୫ ହଜାର ଟଙ୍କାର ଜାଲ ନୋଟ ଜବତ କଲା ବାରିପଦା ପୋଲିସ । ବୁଧବାର ରାତିରେ ବାରିପଦା ଗୋଲେଇରେ ୨ଜଣ ବ୍ୟକ୍ତି ଜାଲ ନୋଟ କାରବାର କରୁଥିବା ପୋଲିସ ଖବର ପାଇଥିଲା । ଘଟଣା ସ୍ଥଳରୁ ୨ଜଣଙ୍କୁ ପୋଲିସ ଗିରଫ କରିଛି । ରଖହରି ରଣାଙ୍କ ଠାରୁ ୫୦ ହଜାର ଓ ରାସବୀହାରୀ ରଣାଙ୍କ ଠାରୁ ପୋଲିସ ୩୫ ହଜାର ଟଙ୍କା ଜାଲ ନୋଟ ଜବତ କରିଛି ।

ଏହି ଜାଲ ନୋଟ ମଧ୍ୟରେ ରହିଛି ୧୦୦ ଏବଂ ୫୦୦ ଟଙ୍କିଆ ନୋଟ । ଅଭିଯୁକ୍ତଙ୍କ ଠାରୁ ଗୋଟିଏ ମୋବାଇଲ ଏବଂ ବାଇକ ଜବତ କରାଯାଇଛି । ରଖହରି ଏବଂ ରାସବିହାରୀ ଦୁଇ ଭାଇ ବୋଲି ପୋଲିସ କହିଛି । ଜବତ କରାଯାଇଥିବା ଟଙ୍କା ମଧ୍ୟରେ ୧୧୦ଟା ୫୦୦ଟଙ୍କିଆ ଏବଂ ୩୦୦ଟା ୧୦୦ ଟଙ୍କିଆ ନୋଟ ରହିଛି ।