କରୋନା ଓ ଡେଲ୍ଟା ଉଭୟଙ୍କ କ୍ଷେତ୍ରରେ ପ୍ରଭାବଶାଳୀ କୋଭାକ୍ସିନ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଭାରତ ବାୟାଟେକ କୋଭାକ୍ସିନ ଏହାର ଅନ୍ତିମ ତଥା ତୃତୀୟ ପର୍ଯ୍ୟାୟ ପରୀକ୍ଷା ଶେଷ କରିଛି । ହାଇଦ୍ରବାଦରେ ଥିବା ଭାରତ ବାୟୋଟେକର କମ୍ପାନୀ ଏନେଇ ସବିଶେଷ ତଥ୍ୟ ପ୍ରଦାନ କରିଛି । ଏଥିରେ କୁହାଯାଇଛି ଯେ, କୋଭାକ୍ସିନ ଉଭୟ କରୋନା ଓ ଡେଲ୍ଟା ଭାରିଆଣ୍ଟଙ୍କ ରୋଗୀଙ୍କ କ୍ଷେତ୍ରରେ ଅଧିକ ପ୍ରଭାବଶାଳୀ । ତଥ୍ୟ ଅନୁସାରେ ଏହା କରୋନା ବିରୋଧରେ ୭୭.୮% ପ୍ରଭାବଶାଳୀ ହୋଇଥିବା ବେଳେ ଡେଲ୍ଟା ବିରୋଧରେ ୬୫.୨% ପ୍ରଭାବଶାଳୀ ରହିଥିବା ଜଣାପଡ଼ିଛି ।

ପ୍ରି-ପ୍ରିଣ୍ଟ ତଥ୍ୟକୁ ଦର୍ଶାଇ ଭାରତ ବାୟୋଟେକ୍ କହିଛନ୍ତି ଯେ ଲକ୍ଷଣଗତ କରୋନା ରୋଗୀଙ୍କ ବିରୋଧରେ ଏହାର କୋଭାକ୍ସିନ୍ ୭୭.୮ ପ୍ରତିଶତ ପ୍ରଭାବଶାଳୀ ଅଟେ । ଏଥି ସହିତ, କୋଭୋସିନ୍ କରୋନା ଗୁରୁତର ରୋଗୀଙ୍କ ବିରୋଧରେ ୯୩.୪ ପ୍ରତିଶତ ପ୍ରଭାବଶାଳୀ ଅଟେ । ଏଥିସହ, ଏହା କରୋନାର ଡେଲ୍ଟ ପ୍ରକାରଗୁଡିକ ବିରୋଧରେ ୬୫.୨% ପ୍ରଭାବଶାଳୀ । ଭାରତ ବାୟୋଟେକ୍ ୧୩୦ଟି କରୋନା ମାମଲାରେ ଏହି ପରୀକ୍ଷା କରିଛି । ଏହାର ଶେଷ ପର୍ୟ୍ୟାୟ ତଥ୍ୟର ବିଶ୍ଳେଷଣ ଅନୁଯାୟୀ କମ୍ପାନୀ କହିଛି ଯେ କରୋନା ରୋଗୀଙ୍କ ବିରୋଧରେ କୋଭାକ୍ସିନ ୬୩.୬ % ପ୍ରଭାବଶାଳୀ ଅଟେ ।