ସୋରରେ କୁମ୍ଭୀର ଆତଙ୍କ

ସୋର(ବଡ଼ ଖବର ବ୍ୟୁରୋ): ବାଲେଶ୍ୱର ଜିଲ୍ଲା ସୋର ବ୍ଲକ କେଦାରପୁର ଅଞ୍ଚଳେରେ ଦେଖାଦେଇଛି କୁମ୍ଭୀର ଆତଙ୍କ । କେଦାରପୁର ପଂଚାୟତ ମଧ୍ୟଦେଇ ପ୍ରବାହିତ ହେଉଥିବା କାଂଶବାଂଶ ନଦୀରେ ଗୋଟିଏ କୁମ୍ଭୀରକୁ ଦେଖି ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି।

କେଦାରପୁର ପଂଚାୟତ ବାଣିସିଆ କୁରୁବାଙ୍କ ନିକଟ କାଂଶବାଂଶ ନଦୀରେ ସ୍ଥାନୀୟ ଲୋକେ ଏକ କୁମ୍ଭୀର ଶୋଇଥିବା ଅବସ୍ଥାରେ ଦେଖିଥିଲେ। ପ୍ରଥମେ ଏହାକୁ ଏକ କାଠ ଗଡ଼ ଭାବି ନିକଟକୁ ଯାଉଥିବା ବେଳେ କୁମ୍ଭୀରଟି ହଠାତ ପାଣି ଭିତରକୁ ପସିଯିବାରୁ ଭୟଭିତ ହୋଇଯାଇଥିଲେ । ସ୍ଥାନୀୟ ସରପଞ୍ଚ ଓ ୱାର୍ଡ ମେମ୍ବରଙ୍କୁ ଜଣାଇବା ସହିତ ଚାନ୍ଦିପୁର ବନଖଣ୍ଡ ଅଧିକାରୀ ଗଣେଶ ପ୍ରସାଦ ଲେଙ୍କାଙ୍କୁ ଯୋଗାଯୋଗ କରିଥିଲେ।

ତେବେ ଲୋକମାନଙ୍କୁ ସତର୍କତା ଅବଲମ୍ବନ କରିବା ସହିତ କାଂଶବାଂଶ ନଦୀ ନିକଟକୁ ଯିବାକୁ ବାରଣ କରାଯାଇଥିଲା । ତେବେ ଏ ସଂପର୍କରେ ବନବିଭାଗ କର୍ମଚାରୀଙ୍କୁ ଅବଗତ କରାଯାଇଥିଲା । ତେବେ କୁମ୍ଭୀରଟି ୮ଫୁଟରୁ ଉର୍ଦ୍ଧ୍ୱଲମ୍ଭ ହେବ ବୋଲି ଅନୁମାନ କରାଯାଉଛି ।