ବାଲେଶ୍ୱର (ବଡ଼ ଖବର ବ୍ୟୁରୋ): ବାଲେଶ୍ୱର ସଂଘର୍ଷ । ସୁଧୁରୁଛି ବାଲେଶ୍ୱର ସହରର ପରିସ୍ଥିତି । ଆଜିଠୁ ସହରର କିଛି ସ୍ଥାନରୁ ହଟିଲା ସମ୍ପୂର୍ଣ୍ଣ କର୍ଫ୍ୟୁ । ଅବଶିଷ୍ଟ ଏରିଆରେ କର୍ଫ୍ୟୁ ବଳବତ୍ତର ରହିଛି । ଟାଉନ୍ ଥାନା ଓ ସଦର ଥାନା ଅଞ୍ଚଳରେ କର୍ଫ୍ୟୁ ପୂର୍ବ ଭଳି ଜାରି ରହିଛି । କର୍ଫ୍ୟୁ ଜାରି ରହିଥିବା ଅଞ୍ଚଳରେ ଆଜି ସକାଳ ୫ଟାରୁ ଅପରାହ୍ନ ୨ଟା ଯାଏଁ କର୍ଫ୍ୟୁ କୋହଳ କରାଯାଇଛି । କର୍ଫ୍ୟୁ ଅଞ୍ଚଳରେ ଅତ୍ୟାବଶ୍ୟକ ଔଷଧ ଓ କ୍ଷୀର ଦୋକାନ ଖୋଲା ରହିବ, ବର୍ତମାନ ପର୍ୟ୍ୟନ୍ତ ୬୫ ଜଣଙ୍କୁ ଗିରଫ କରିଛି ପୋଲିସ । ଆସନ୍ତା ସୋମବାରଠାରୁ ସହରର ସମସ୍ତ ସ୍କୁଲ କଲେଜ ଖୋଲିବ । ଇଣ୍ଟରନେଟ୍ ସେବା ଉପରେ କଟକଣା ଜାରିରହିବ ବୋଲି ସୂଚନା ଦେଲେ ଜିଲ୍ଲାପାଳ ଆଶିଷ ଠାକରେ ।
