ଚଢିଗଲା ବସ୍

ଦଶରଥପୁର(ବଡ଼ ଖବର ବ୍ୟୁରୋ): ଗ୍ରୀନ ଓଡିଶା ବସ ପ୍ରତିଦିନ ଯାଜପୁର ଷ୍ଟାଣ୍ଡରୁ ବାହାରି ଅଳୁକୁଣ୍ଡ ଯାଇଥାଏ । ଏହି ବସରେ ଘରକୁ ଫେରୁଥିଲେ ରାମଚନ୍ଦ୍ର ମଲ୍ଲିକ । ବୃନ୍ଦାବନପୁର ଗାଁ ଆଖଣ୍ଡଳମଣି ଛକ ନିକଟରେ ସେ ଓହ୍ଲାଇବା ବେଳେ ତଳେ ପଡିଯାଇଥିଲେ । ଅସାବାଧନତାରୁ ବସର ପଛଚକ ତଳେ ପଡିଯାଇଥିଲେ । ତାଙ୍କ ଗୋଡ ଉପରେ ବସଟି ଚଢିଯାଇଥିଲା । ସ୍ଥାନୀୟ ଲୋକଙ୍କ ସହାୟତାରେ ରାମଚନ୍ଦ୍ରଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ପ୍ରାଥମିକ ଚିକିତ୍ସା ପରେ ତାଙ୍କୁ କଟକ ଏସସିବିକୁ ସ୍ଥାନାନ୍ତର କରାଯାଇଛି । ଯାଜପୁର ପୋଲିସ ଘଟଣାସ୍ଥଳରେ ପହଂଚିଥିଲା । ବସ ଚାଳକ ଫେରାର ଥିବାବେଳେ ବସକୁ ପୋଲିସ ଅଟକ ରଖି ତଦନ୍ତ ଚଳାଇଛି ।