ଘର ନିକଟରୁ ମହିଳାଙ୍କ ମୃତଦେହ ଉଦ୍ଧାର

ପାଳଲହଡ଼ା (ବଡ଼ ଖବର ବ୍ୟୁରୋ): ଅନୁଗୁଳ ଜିଲ୍ଲା ପାଳଲହଡ଼ା ବ୍ଲକ ଖମାର ଥାନା କଣ୍ଟିଆପଶି ପଞ୍ଚାୟତ କରଡ଼ାଖମଣ ଗ୍ରାମର ରଜନୀ ବେହେରା (୪୫)ଙ୍କ ମୃତଦେହ ତାଙ୍କ ଘର ପାଖ ଜଙ୍ଗଲରୁ ଉଦ୍ଧାର କରାଯାଇଛି। ରଜନୀ ସକାଳେ ଶୌଚ ପାଇଁ ଯାଇଥିଲେ । କିନ୍ତୁ କୌଣସି କାରଣରୁ ସେଠାରେ ତାଙ୍କର ମୃତ୍ୟୁ ହୋଇଛି। ମୃତ୍ୟୁର କାରଣ ସ୍ପଷ୍ଟ ହୋଇନାହିଁ। ବିଦ୍ୟୁତ୍ ଆଘାତରେ ତାଙ୍କର ମୃତ୍ୟୁ ହୋଇଥାଇ ପାରେ ବୋଲି ପୋଲିସ ସନ୍ଦେହ କରୁଛି। ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ସ୍ଥାନୀୟ ମେଡିକାଲ ପଠାଇ ଅଧିକ ତଦନ୍ତ କରୁଛି।