ଯୁବକଙ୍କ ଗଳିତ ମୃତଦେହ ଉଦ୍ଧାର

ରାଜକନିକା (ବଡ଼ ଖବର ବ୍ୟୁରୋ): ଯୁବକଙ୍କ ଗଳିତ ମୃତଦେହ ଉଦ୍ଧାର । ମୃତକ ହେଲେ ଗିରିଧାରୀ ମଳିକଙ୍କ ପୁଅ ନିର୍ମଳ (୪୯) । ତାଙ୍କ ଘର ରାଜକନିକା ଥାନା କୋଇଲିପୁର ପଞ୍ଚାୟତ ଗଜରାଜପୁର ଗାଁରେ । ଘରୋଇ କଳହକୁ କେନ୍ଦ୍ରକରି ନିର୍ମଳ ଗତ ୯ ତାରିଖରୁ ଘରୁ ପଳାଇ ଯାଇଥିଲେ । ଶୁକ୍ରବାର ତାଙ୍କ ଗଳିତ ମୃତଦେହ ଉଦ୍ଧାର ହୋଇଛି । ଭିତରକନିକା କନିକା ରେଞ୍ଜ ଅଧୀନ ବ୍ରାହ୍ମଣୀ ନଦୀ ପଠା ଜଙ୍ଗଲ (ଜୟନଗର ଜେଠି ସନ୍ନିକଟ)ରୁ ଝୁଲନ୍ତା ଅବସ୍ଥାରେ ତାଙ୍କ ମୃତଦେହ ଜବତ କରିଛି ପୋଲିସ । ସେପଟେ ନିର୍ମଳଙ୍କୁ କେହି ହତ୍ୟା କରି ଟଙ୍ଗାଇ ଦେଇଥିବା ଅଭିଯୋଗ କରିଛନ୍ତି ପରିବାର ଲୋକେ ।