ଗଛରେ ପିଟି ହୋଇ ଯୁବକ ମୃତ

ଲୁଣିପଡ଼ା (ବଡ଼ ଖବର ବ୍ୟୁରୋ): ବାଇକ ଦୁର୍ଘଟଣାରେ ଚାଲିଗଲା ଯୁବକଙ୍କ ଜୀବନ । ମହୁଲପଦା ଥାନା ଲୁଙ୍ଗା ନିକଟରେ ଘଟିଛି ଏହି ଦୁର୍ଘଟଣା । ମୃତକ ଜଣକ ହେଲେ ଲୁଣିପଡ଼ାର ଗୋପାଳ ରାଏ । ପେସାରେ ଇଟାଭାଟି ମାଲିକ ଥିବା ଗୋପାଳ ଆଜି ଇଟା ତିଆରି ମେସିନ ସଜାଡ଼ିବା ପାଇଁ ବାଇକ ଯୋଗେ ରେଙ୍ଗାଲି ଆସି ଫେରୁଥିଲେ । ଲୁଙ୍ଗା ବ୍ରିଜ୍ ନିକଟରେ ଭାରସାମ୍ୟ ହରାଇ ଏକ ଗଛରେ ପିଟି ହୋଇଯାଇଥିଲେ । ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଯାଇଥିଲା । ଖବର ପାଇ ମହୁଲପଦା ପୋଲିସ ପହଁଚି ଶବ ଜବତ କରିବା ସହ ବ୍ୟବଚ୍ଛେଦ ପାଇଁ ମେଡିକାଲକୁ ପଠାଇଛି ।