ସାମାନ୍ୟ ବଚସାରୁ ହତ୍ୟାକାଣ୍ଡ
ଜଗତସିଂହପୁର (ବଡ଼ ଖବର ବ୍ୟୁରୋ): ସାମାନ୍ୟ ବଚସାକୁ କେନ୍ଦ୍ର କରି ହତ୍ୟାକାଣ୍ଡ । ଜଗତସିଂହପୁର ଥାନା ଅନ୍ତର୍ଗତ ଚରବାଟିଆ ଗ୍ରାମରେ ଘଟିଛି ଏଭଳି ଜଘନ୍ୟ ହତ୍ୟାକାଣ୍ଡ। ଚରବାଟିଆ ଗ୍ରାମର ସାଗର ନାୟକ, ପ୍ରତାପ ବେହେରା ଓ ମହିରା ଗ୍ରାମର ଦିଲିପ ସାମଲଙ୍କ ମଧ୍ୟରେ କୌଣସି କାରଣରୁ ବଚସା ହୋଇଥିଲା। ଏହି ବଚସା ଉଗ୍ର ରୂପ ଧାରଣ କରିଥିଲା। ପ୍ରତାପ ଓ ଦିଲୀପ ଦୁହେଁ ମିଶି ସାଗରକୁ ପିଟିପିଟି ମାରିଦେଇଥିବା ସୂଚନା ମିଳିଛି । ଘଟଣା ସ୍ଥଳରେ ଜଗତସିଂହପୁର ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିବା ସହିତ ଅଭିଯୁକ୍ତ ଦିଲୀପ ସାମଲକୁ ଗିରଫ କରିଛନ୍ତି । ଅନ୍ୟ ଅଭିଯୁକ୍ତ ପ୍ରତାପ ବେହେରା ଫେରାର ଥିବା ସୂଚନା ମିଳିଛି।