ତେଲନଦୀରୁ ଯୁବତୀଙ୍କ ଶବ ଉଦ୍ଧାର

ବଲାଙ୍ଗିର/ ତୁଷୁରା, (ବଡ଼ ଖବର ବ୍ୟୁରୋ): ତେଲ ନଦୀରୁ ଜଣେ ଯୁବତୀଙ୍କ ଶବ ଉଦ୍ଧାର ହୋଇଛି । ତୁଷୁରା ଠାରୁ ପ୍ରାୟ ୩୦ କିମି ଦୂର ତରଭା ଥାନା ସିଂହାରୀ ପଞ୍ଚାୟତର ବଡତେଣ୍ଡା ଗାଁ ନିକଟସ୍ଥ ତେଲନଦୀରେ ମୃତଦେହ ଭାସୁଥିବା ଦେଖିବାକୁ ମିଳିଛି। ତେବେ ମୃତ ଯୁବତୀଙ୍କ ପରିଚୟ ମିଳିନି। ହେଲେ ଦୁଇଦିନ ତଳେ ତୁଷୁରା- ଗୁଡ଼ଭେଲା ନିକଟସ୍ଥ ତେଲନଦୀରେ ଡେଇଁ ଆତ୍ମହତ୍ୟା କରିଥିବା ଦୁଇଯୁବତୀଙ୍କ ମଧ୍ୟରୁ ଜଣେ ବୋଲି ସନ୍ଦେହ କରାଯାଉଛି। ପୋଲିସ୍ ଓ ପରିବାର ଲୋକ ଘଟଣାସ୍ଥଳକୁ ଯାଉଛନ୍ତି। ତେବେ ପରିବାର ଲୋକେ ମୃତଦେହକୁ ଚିହ୍ନଟ କରିବା ପରେ ଏହି ଯୁବତୀଙ୍କ ପ୍ରକୃତ ପରିଚୟ ମିଳିପାରିବ।