ଜଳେଶ୍ୱର (ବଡ଼ ଖବର ବ୍ୟୁରୋ): ଅନଲାଇନରେ ମୋବାଇଲ ମଗାଇଲେ । ଡେଲିଭରି କରିବାକୁ ଆସିଥିବା ଯୁବକଙ୍କୁ ମରଣାନ୍ତକ ଆକ୍ରମଣ କରି ଲୁଟିନେବାକୁ ବସିଥିଲେ ଦୁବୃର୍ତ୍ତ । ବାଲେଶ୍ୱର ଜିଲ୍ଲା ଜଳେଶ୍ୱର କମର୍ଦ୍ଦା ଥାନା ବାହାର୍ଦା ଗାଁରେ ଘଟିଛି ଏଭଳି ଘଟଣା । ଇକକାର୍ଟରେ କାମ କରୁଥିବା ନିର୍ମାଲ୍ୟ ଦାସଙ୍କୁ ଦୁବୃର୍ତ୍ତମାନେ ମରଣାନ୍ତକ ଆକ୍ରମଣ ସାମଗ୍ରୀ ଲୁଟି ନେବାକୁ ବସିଥିଲେ । ବେଲ୍ଟରେ ନିର୍ମାଲ୍ୟଙ୍କ ବେକକୁ ଚାପି ଜୀବନରୁ ମାରିଦେବାକୁ ଉଦ୍ୟମ କରିଥିଲେ ।
ସୌଭାଗ ବଶତଃ କିଛି ପଥଚାରୀ ସେହି ସମୟରେ ଚାଲିଆସିବାରୁ ଦୁବୃର୍ତ୍ତମାନେ ଫେରାର ହୋଇଯାଇଛନ୍ତି । ସେମାନଙ୍କ ମଧ୍ୟରୁ ଦୁଇଜଣ ଲୋକଙ୍କ ହାବୁଡ଼ରେ ପଡ଼ିଯାଇଛନ୍ତି । ଲୋକେ ଉତ୍ତମ ମଧ୍ୟମ ଦେବା ପରେ ପୋଲିସକୁ ଦେଇଥିଲେ । ଦୁବୃର୍ତ୍ତଙ୍କ ପରିଚୟ ମିଳିପାରି ନ ଥିବାବେଳେ ପୋଲିସ ତଦନ୍ତ ଜାରି ରଖିଛି ।
ଚାରିଦିନ ତଳେ ଭୋଗରାଇ ଅଞ୍ଚଳରେ ଥିବା ୟୁକୋ ବ୍ୟାଙ୍କରୁ ଅଢ଼େଇ କୋଟି ଟଙ୍କା ଲୁଟ୍ ହୋଇଥିଲା । ଏହି ଘଟଣାରେ ସମସ୍ତଙ୍କୁ ପୋଲିସ ଧରି ନ ଥିବାବେଳେ ଏବେ ପୁଣି ଏହି ଘଟଣା ସ୍ଥନୀୟ ଅଞ୍ଚଳରେ ଆତଙ୍କ ଖେଳାଇଦେଇଛି ।
