ଦିଲ୍ଲୀ ମଦ ଦୁର୍ନୀତି ମାମଲା, ଗିରଫ ହେଲେ ସାଂସଦ ମଗୁନତା ଶ୍ରୀନିବାସୁଲା ରେଡ୍ଡୀଙ୍କ ପୁଅ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦିଲ୍ଲୀର ମଦ ଦୁର୍ନୀତି ମାମଲାରେ ଇଡି ଆଜି ଆଉ ଏକ ବ୍ୟକ୍ତିଙ୍କୁ ଗିରଫ କରିଛି। ଇଡି ଶୁକ୍ରବାର ଦିନ YSRCP ସାଂସଦ ମଗୁନତା ଶ୍ରୀନିବାସୁଲା ରେଡ୍ଡୀଙ୍କ ପୁଅ ମଗୁନତା ରାଘବଙ୍କୁ ଗିରଫ କରିଛି। ଇଡି ଦାବି କରିଛି ଯେ ଦିଲ୍ଲୀର ମଦ ବ୍ୟବସାୟ ସଂପର୍କରେ ଦିଲ୍ଲୀର ସିଏମ୍ ଅରବିନ୍ଦ କେଜ୍ରିୱାଲ ମଗୁନତା ଶ୍ରୀନିବାସାଲୁ ରେଡ୍ଡୀଙ୍କୁ ଭେଟିଛନ୍ତି।
Related Posts
ସୂଚନାମୁତାବକ ପୂର୍ବରୁ ଦିଲ୍ଲୀ ମଦ ଦୁର୍ନୀତି ମାମଲାରେ ସିବିଆଇ ଚାର୍ଟାର୍ଡ ଆକାଉଣ୍ଟାଣ୍ଟ ବୁଚିବାବୁ ଗୋରାଣ୍ଟଲାଙ୍କୁ ଗିରଫ କରିଥିଲା। ବୁଚିବାବୁ ଗୋରାଣ୍ଟଲା ତେଲେଙ୍ଗାନା ମୁଖ୍ୟମନ୍ତ୍ରୀ କେସିଆରଙ୍କ ଝିଅ କବିତାଙ୍କ ପୂର୍ବତନ ଅଡିଟର ଥିଲେ । କେନ୍ଦ୍ରୀୟ ଅନୁସନ୍ଧାନକାରୀ ଏଜେନ୍ସି ଦାବି କରିଛି ଯେ ଗୋରାଣ୍ଟଲା ଅନୁସନ୍ଧାନକାରୀଙ୍କ ସହ ସହଯୋଗ କରୁନାହାନ୍ତି । ଏହାପୂର୍ବରୁ ଡିସେମ୍ବର ୧୨ ରେ ସିବିଆଇ ହାଇଦ୍ରାବାଦରେ ମୁଖ୍ୟମନ୍ତ୍ରୀ କେସିଆରଙ୍କ ଝିଅ କବିତାଙ୍କୁ ୭ ଘଣ୍ଟାରୁ ଅଧିକ ସମୟ ଧରି ଦଳ ପଚରାଉଚରା କରିଥିଲା।