Before Header

ସିଦ୍ଧୁଙ୍କ ଇସ୍ତଫା ପରେ ସ୍ୱର ବଦଳାଇଲେ କ୍ୟାପଟେନ

0 94

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କ୍ୟାପଟେନ ଅମରିନ୍ଦର ସିଂହଙ୍କ ହଠାତ ଇସ୍ତଫା ଦେବା ପରେ ସାରା ଦେଶରେ ଏହା ଚର୍ଚ୍ଚାର ବିଷୟ ପାଲଟିଥିଲା । ଏହା ସହ କ୍ୟାପଟେନ ମୁଖ୍ୟମନ୍ତ୍ରୀ ପଦରେ ଥିବାବେଳେ ତାଙ୍କୁ ଅଣନିଃଶ୍ୱାସୀ ଭଳି ଲାଗୁଥିଲା ବୋଲି କହିଥିଲେ । ସିଦ୍ଧୁ ଓ କ୍ୟାପଟେନଙ୍କ ଦୀର୍ଘ ଦିନର କନ୍ଦଳ ମଧ୍ୟ ସମାପ୍ତ ହୋଇଯାଇଥିଲା । କେବଳ ଏତିକି ନୁହେଁ ବରଂ ଇସ୍ତଫା ଦେବା ପରେ ଦଳର ସୁପ୍ରିମୋ ଠାରୁ ଆରମ୍ଭ କରି ସିଦ୍ଧୁଙ୍କୁ ସମାଲୋଚନା କରିବା ପାଇଁ ପଛେଇନଥିଲେ । ତେବେ ତାଙ୍କର ଦଳକୁ ନେଇ ଥିବା କ୍ରୋଧ ଏଥିରୁ ସ୍ପଷ୍ଟ ବାରି ହୋଇଯାଇଥିଲା । ଏହା ମଧ୍ୟରେ ନବଜୋତ ସିଂହ ସିଦ୍ଧୁ ନିଜ ପଦରୁ ଇସ୍ତଫା ଦେଇଥିବାର କଥା ସାମ୍ନାକୁ ଆସିଛି ।

ଏ ଖବର ସାମ୍ନାକୁ ଆସିବା ପରେ କ୍ୟାପଟେନ ନିଜର ସ୍ୱର ପରିବର୍ତ୍ତନ କରିଥିବାର ସୂଚନା ମିଳିଛି । କାହିଁକିନା ଏହା ପୂର୍ବରୁ କ୍ୟାପଟେନ କଂଗ୍ରେସ ଛାଡ଼ି ଭାରତୀୟ ଜନତା ପାର୍ଟିରେ ମିଶିବା ନେଇ କଳ୍ପନାଜଳ୍ପନା ଆରମ୍ଭ ହୋଇଥିଲା । ଏହା ସହ ସେ ଖୁବଶୀଘ୍ର ବିଜେପି ସଭାପତି ଜେ ପି ନଡ୍ଡା ଓ ଗୃହମନ୍ତ୍ରୀ ଅମିତ ଶାହଙ୍କୁ ଭେଟିବାକୁ ଯାଉଥିବାର ସୂଚନା ମିଳିଥିଲା । ହେଲେ ସିଦ୍ଧୁଙ୍କର ଇସ୍ତଫା ଦେବା କଥା ସାମ୍ନାକୁ ଆସିବା ପରେ ସେ ନିଜର ସମସ୍ତ କାର୍ଯ୍ୟକ୍ରମକୁ ବାତିଲ କରିଥିଲେ ।

Leave A Reply

Your email address will not be published.