ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ସୋମବାର ବିଳମ୍ବିତ ରାତିରେ ରାଜ୍ୟସଭାରେ ଦିଲ୍ଲୀ ସେବା ବିଲ୍ ପାରିତ ହୋଇଛି। ଏହି ବିଲ୍ ପାସ୍ କରିବା ପରେ ଏହାକୁ ଆମ୍ ଆଦମୀ ପାର୍ଟି ବିରୋଧ କରିଛି । ରାଜ୍ୟସଭା ସାଂସଦ ରାଘବ ଚଡ୍ଡା କହିଛନ୍ତି ଯେ ଏହି ବିଲ୍ ରାଜ୍ୟସଭାରେ ପାରିତ ହୋଇଛି । ହେଲେ ଆମେ ଏହି ବିଲ ବିରୋଧରେ ସୁପ୍ରିମକୋର୍ଟରେ ଲଢିବୁ । ସେ କହିଛନ୍ତି ଯଦିଓ ଆମେ ରାଜ୍ୟସଭାରେ ଏହି ବିଲ୍ ପାସ୍ ରୋକବାରେ ବିଫଳ ହେଲୁ ତଥାପି ଆମେ ନ୍ୟାୟପାଳିକାରେ ଏହି ବିଲ୍ ବିରୋଧରେ ଲଢିବୁ ।
#WATCH | "I will give an answer to Privileges Committee when they send a notice," says AAP MP Raghav Chadha after four MPs claim that their names were mentioned on the proposal to send the Delhi NCT Amendment Bill to the Select Committee without their consent.
This motion was… pic.twitter.com/hTAFg26DJi
— ANI (@ANI) August 7, 2023
ସୋମବାର ବିଳମ୍ବିତ ରାତିରେ ଏହି ବିଲ ବହୁମତ ସହ ରାଜ୍ୟସଭାରେ ପାରିତ କରିଛି। ରାଜ୍ୟସଭାରେ ଏହି ବିଲ୍ ସପକ୍ଷରେ ୧୩୧ ଭୋଟ୍ ଏବଂ ଏହା ବିରୋଧରେ ୧୦୨ ଭୋଟ୍ ଥିଲା। ଯେତେବେଳେ ସାଂସଦଙ୍କ ଦସ୍ତଖତ ସମ୍ପର୍କରେ ସାମ୍ବାଦିକମାନେ ପ୍ରଶ୍ନ କରିଥିଲେ ରାଘବ କହିଥିଲେ ମୋତେ ଥରେ ପ୍ରିଭେଲିଜ୍ କମିଟିର ନୋଟିସ୍ ଆସିବାକୁ ଦିଆଯାଉ, ମୁଁ ଏହାର ଉତ୍ତର ଦେବି। ସେ ଆହୁରି ମଧ୍ୟ କହିଛନ୍ତି ତାଙ୍କ ବିନା ସମ୍ମତିରେ ଦିଲ୍ଲୀ ସେବା ବିଲ୍ ଉପରେ ପ୍ରସ୍ତାବିତ ଚୟନ କମିଟି ତାଙ୍କ ଦସ୍ତଖତ ଜାଲିଆତି କରିଛନ୍ତି। ଦିଲ୍ଲୀ ଅଧିକାରୀଙ୍କ ଚୟନ କମିଟିକୁ ପଠାଇବା ପାଇଁ ବିଲ ପଠାଇବାକୁ ରାଘବ ଚଡ୍ଡାଙ୍କ ପ୍ରସ୍ତାବରେ ଅନ୍ୟ ଏମପିଙ୍କ ନାମ ମଧ୍ୟ ଅନ୍ତର୍ଭୁକ୍ତ କରାଯାଇଥିଲା।
ଯଦି ତାଙ୍କ ଦସ୍ତଖତ ଜାଲିଆତି ହୋଇଥିବା ଜଣାପଡିଛି, ତେବେ ସମସ୍ତ ଏମପି ସୁଧାଂଶୁ ତ୍ରିବେଦୀ, ନରହରି ଅମିନ, ସସ୍ମିତ ପାତ୍ର, ପି କନ୍ୟକ ଏବଂ ଥାମ୍ବି ଦୁରାଇ ଜାଲିଆତି ପାଇଁ ରାଘବ ଚଡ୍ଡାଙ୍କ ବିରୋଧରେ ଏଫଆଇଆର୍ ପଞ୍ଜିକରଣ କରିବାକୁ ବାଚସ୍ପତିଙ୍କୁ ଅଭିଯୋଗ କରିବେ। ବର୍ତ୍ତମାନ ରାଜ୍ୟସଭା ସଚିବାଳୟ ଏହି ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି। ଏହାର ଯାଞ୍ଚ ପରେ ସାଂସଦମାନେ ଏହି ପ୍ରସ୍ତାବରେ ଦସ୍ତଖତ କରିଛନ୍ତି କି ନାହିଁ ତାହା ସ୍ଥିର ହେବ। ଏଥି ସହିତ, ରାଜ୍ୟସଭାରୁ ଏହି ବିଲ୍ ପାରିତ ହେବା ପରେ ଦିଲ୍ଲୀ ସିଏମ୍ ଅରବିନ୍ଦ କେଜ୍ରିୱାଲ କହିଛନ୍ତି ଯେ ଦେଶର ଗଣତାନ୍ତ୍ରିକ ଇତିହାସରେ ଏହା ଏକ କଳା ଦିନ। ଏଥିସହ ସେ କହିଛନ୍ତି ଯେ ଦିଲ୍ଲୀବାସୀଙ୍କ ଭୋଟ୍ ଅଧିକାରକୁ ବିଜେପି ଅପମାନିତ କରିଛି।
