ଦାବି ପୂରଣ କଲା ରେଳ ବିଭାଗ

ଲଇକେରା(ବଡ଼ ଖବର ବ୍ୟୁରୋ): ଲଇକେରା ଥାନା ବାଗଡ଼ିହି ଠାରେ ଆଜି ହେବାକୁ ଥିବା ରେଳ ରୋକ ଆନ୍ଦୋଳନ ବାତିଲ ହୋଇଛି । ସ୍ଥାନୀୟ ଅଞ୍ଚଳ ଲୋକେ ରେଳ ରୋକ କରିବା ପୂର୍ବରୁ ଦାବି ପୂରଣ କରିଛି ରେଳ ବିଭାଗ । କରୋନା ଯୋଗୁଁ ଦୀର୍ଘ ୮ମାସ ଧରି ଟ୍ରେନ ଗୁଡ଼ିକ ବନ୍ଦ ରହିଥିବା ବେଳେ କିଛି ସ୍ପେଶାଲ ଟ୍ରେନ ଚଳାଚଳ ଆରମ୍ଭ ହୋଇଛି । ବାଗଡ଼ିହି ଷ୍ଟେସନରୁ ସାଉଥ ବିହାର ଏକ୍ସପ୍ରେସର ରହଣୀକୁ ଉଚ୍ଛେଦ କରିଥିଲା ରେଳବିଭାଗ । ସ୍ଥାନୀୟ ଲୋକେ ଏହାକୁ ବିରୋଧ କରି ରେଳରୋକ କରିବା ପାଇଁ ଚେତାବନୀ ଦେଇଥିଲେ । ଆଜି ରେଳ ରୋକ ହେବା ପୂର୍ବରୁ ଦାବିକୁ ପୂରଣ କରିଛି ରେଳ ବିଭାଗ । ପୂର୍ବ ପରି ବାଗଡ଼ିହି ଷ୍ଟେସନରେ ସାଉଥ ବିହାର ଏକ୍ସପ୍ରେସ ରହଣୀ ଜାରି ରହିବ ବୋଲି ଲିଖିତ ପ୍ରତିଶୃତି ଦେଇଛି ରେଳ ବିଭାଗ ।