ରାୟଗଡା (ବଡ଼ ଖବର ବ୍ୟୁରୋ): ନିଜକୁ ଗୁଳିକରି ଯବାନଙ୍କ ଆତ୍ମହତ୍ୟା । ଏଭଳି ହୃଦୟ ବିଦାରକ ଘଟଣା ଘଟିଛି ରାୟଗଡା ଜିଲ୍ଲା କାଶୀପୁରରେ । ବିଏସଏଫ ୬୮ବାଟାଲିୟନରେ କାର୍ଯ୍ୟରତ ଯବାନ ଦିଲିପ ମାହି ନିଜର କାର୍ଯ୍ୟ ସମୟରେ ନିଜ ବନ୍ଧୁକରୁ ଗୁଳିକରି ନିଜେ ଆତ୍ମହତ୍ୟା କରିଥିବା ସୂଚନା ମିଳିଛି। ୪ମାସ ପୂର୍ବରୁ ସେ ବିବାହିତ ହୋଇଥିଲେ । ପାରିବାରିକ କଳହ ଯୋଗୁଁ ଆତ୍ମହତ୍ୟା କରିଥିବା କୁହାଯାଉଥିବା ବେଳେ ବର୍ତମାନ ସୁଧା ବିଭାଗ ପକ୍ଷରୁ କୋଣସି ସୂଚନା ମିଳିନାହିଁ ।

ଆତ୍ମହତ୍ୟାର କାରଣ ଅସ୍ପଷ୍ଟ ଥିବା ବେଳେ କାଶୀପୁର ପୋଲିସର ତଦନ୍ତ ଆରମ୍ଭ କରିଛି । ମାସ ପୂର୍ବେ ପଡ଼ିଥିଲା ହାତଗଣ୍ଠି । ଆଜି ମଧ୍ୟାହ୍ନ ସମୟରେ ଦିଲ୍ଲୀପ ନିଜ କ୍ୟାମ୍ପରେ ଥିବାବେଳେ ହଠାତ ଗୁଳି ଫୁଟିବା ଶବ୍ଦ ଶୁଣାଯାଇଥିଲା। ସାଥୀ ଯବାନମାନେ ଦୌଡ଼ି ଯାଇ ଘଟଣାସ୍ଥଳରେ ଦିଲ୍ଲୀପଙ୍କ ମୃତଦେହ ପଡ଼ିଥିବା ଦେଖିବାକୁ ପାଇଥିଲେ। ସେ ନିଜ ରାଇଫଲରୁ ଗୁଳି ଫୁଟାଇ ଆତ୍ମହତ୍ୟା କରିଥିବା ଅନ୍ୟ ଯବାନମାନଙ୍କ ସୂତ୍ରରୁ ଜଣାପଡ଼ିଛି।

Leave a Reply

Your email address will not be published. Required fields are marked *